Nuõrttsäämas

pe 30.1.2015

  • 6 min
  • toistaiseksi

Nuõrttsäʹmmlaž media-mättʼtõõtti Ville-Riiko Fofonoff lij oʹhjjääm fiiʹlm, koon vuõss-čuäjtõs leäi Skábmagovat-festivaal nuõripeeiʹvest mõõnni neʹljdpeeiʹv. Ååʹn kuulât siõmmnâ, måkam proseeʹss fiilm raajmõš leäi da måkam plaan suʹst lie puõttivuõʹtte. Tuåimteei: Terhi Harju

Lähetykset

  • pe 30.1.2015 15.40 • Yle Areena

Jaksot

  • Ââlda Aanar siid leʹddi Piõggvueiʹv tuõddrest riâššat profeeʹtt Elia cisttan jeäʹǩǩes-sluuʹžv. Eʹčč Rauno mušttal jeänab tän sluuʹžv da profeeʹtt Elia pirr.

  • Seärad Tiõrv-vuõlttõõzzâst kuulât, ko Suõmmkar lij raajjmen ođđ musiikk nuõrttsäämas. Piõggvueiʹvest riâššât täʹbbe jeäʹǩǩes-sluuʹžv da Rauno Pietarinen Lappi ortodokslaž sieʹbrrkååʹddest mušttal tõn pirr jeänab. Čiŋlõõvât še Näkkälä paalǥâskååʹdd jueʹǩǩeäʹšša. Mieʹldd vuõlttõõzzâst AVI Risto M. Ruuska, Kalkujääuʹr siid Anne-Maria Magga da Tuomas Keskitalo Ounastuõddâr tuäʹǩǩkååʹddest. Tuåimteejen Sara Wesslin da Martta Alajärvi.

  • Anna Lumikivi da Hanna-Maaria Kiprianoff kuõiʹtes lie raajjmen suännai Suõmmkar jooukin ođđ musiikk ââʹn Tampere-gåårdest. Suäna lie eeʹjj valmštõõllâm musiiknees da ââʹn liântteemtuâj lie tän neäʹttlest alttuum. Vuõssmõõzz musiikk vueʹrddet juʹn tän čâhcca. Anna Lumikivi mušttal jeänab suännai musiikk pirr.

  • Vaal-luʹvddkåʹdd mieʹrrii, što ǩiõllsilttõõzz tuõđtummuž diõtt tõt alttad taarb mieʹldd ärvstõõllâmjoouk, mâʹst lie koumm vuäzzla ǩeäk iʹlla čõnnõõttâm vaal-luʹvddkådda. Vaal-luʹvddkååʹdd saaǥǥtuõʹlljeei Hanna-Maaria Kiprianoff mušttal, što vaal-luʹvddkåʹdd alttad ärvstõõllâmjoouk, jos pâi tõõzz lij tarbb. Tuåimteejen Sara Wesslin.

  • Tuåimteei Sara Wesslin jieʹli vuõssmõs vuâra säʹmmlai evakkoääiʹj jäsltemsââʹjin Ååsǩjääuʹrest da -kuõškâst õõutâst Irja Jefremoffin. Nuõrttsäʹmmla vueʹrdde Raajj-Jooʹsep da Njeäʹllem vuuʹdest miâlǥǥâd kolmm eeʹjj tõn, što koozz siʹjjid aazzted vääiʹni mâŋŋa. Irja Jefremoff mušttal tän historia pirr miʹjjid da vuäʹppast Ååsǩkuõšk pirrõʹsse.

  • Toni K. Laine lij tuåimman Aanar kåʹddjååʹđteejen juʹn kolmm mäännpââʹj da ââʹn son lij vuõssmõs vuâra Yle Sääʹmjânnam mainstâʹttmõõzzâst. Kuʹvddleei lie piâssâm vuässʼsõõttâd da vuõltteed Laineeʹja kõõččmõõžžid Aanar kååʹdd pirr. Tuåimteejen Sara Wesslin. Haastattelu on suomeksi.

  • Saaʹmi siidsåbbrin vaʹlljuum vaal-luʹvddkåʹdd norrõõđi vuõssmõs vuâra norrõõttâmsåbbra mõõnni neäʹttlest da vaʹlljii saaǥǥtuõʹllʼjeejen Hanna-Maaria Kiprianooff Čeʹvetjääuʹrest. Nääitʹt mušttal Kiprianoff sååbbar pirr.

  • Tiõrv-vuõlttõõzzâst ođđ sääʹm-musiikk, sääʹmteeʹʹǧǧ tiuddsååbbar da kuulât saǥstõõllmõõžžid Äʹvv sääʹmmuʹzeei äävummšest. Tuåimteejen Sara Wesslin.

  • Heidi Juliana Gauriloff, Uʹlljan iʹlmmtõõđi ođđ musiikk suu puõʹtti vuõssmõs albuumâst. “Iiskâr” nõmmsaž läull iʹlla nuʹt äʹrbbvuâđlaž sääʹm-musiikk, mâʹte suu ouddlõõzz laaul lie leämma. Tuåimteejen Sara Wesslin.

  • Saaʹmi muʹzei Äʹvv ääʹvii uusees mõõnni neäʹttlest 18 eeʹjj vuârddmõõžž mâŋŋa Taar beäʹll Njauddmest. Mathisen leäi õhtt prääʹzniǩpeeiʹv jååʹđteejain da mušttli čueʹđid oummid suu preddnes pirr muʹzeipõõrt laaǥǥâst. Karine Mathisen preedd lie juʹn tän Njauddâm-siidâst, koʹst ääʹveeš maaiʹlm vuõssmõs nuõrttsaaʹmi muʹzei. Kuulât ââʹn jeänab suu pirr. Mainstâʹttmõš lij eŋgglõsǩiõʹlle. Haastattelu on englanniksi.

  • Taarr beäʹlnn Sääʹmjânnmest nuõrttsäʹmmla lie pääccam kueʹstʼtemes meeran. Njauddâm-siid säʹmmla tarrlõʹvve nuʹt jåttlânji da siid oummu mõõnte siʹjji ǩiõl da kulttuur lââʹssen siʹjji jieʹllivueʹjjid di määdd- da čääʹʒʒvuõiggâdvuõđid. Kuulât ââʹn jeänab Taar säʹmmlai sââʹj pirr, ko sääʹmtuʹtǩǩeei Jelena Porsanger mušttli Äʹvv muʹzeejast tõn pirr. Jelena lij nuõrttsäʹmmlaž Nueʹttjääur siidâst.

  • Sää´mkultturneä´ttlest lie še nuõrttsääʹmǩiõl da kulttuur liinj mättʼtõõđi norrõõttâm Čeʹvetjäuʹrra mainsted säämas da mättʼtõõttâd saaʹmi äʹrbbvuõđid. Uʹčteeʹl Taannâl Ljetoff lij leämmaž tuõʹđi tobddvaž tõõzz, mäʹhtt mättʼtõõđi lie ouddnam ǩiõlin da mõõn vääžnai lij, što sij peässe mainsted sääʹmpirrõõzzâst säämas. Tuåimteejen Sara Wesslin.

Ei tulossa olevia jaksoja

Kuuntele myös

    Muualla Yle.fi:ssä