Nuõrttsäämas

ke 13.4.2016

  • 2 h 0 min
  • ei kuunneltavissa

Sääʹmǩiõll lij säʹmmlaid ääiʹjpoddsaž da ǩiõl ǩiõttʼtõõllâp Nuõrttsäämas-vuõlttõõzzâst eʹpet. Saaʹmi Ǩiõllkaʹlddi Terhi Harju mieʹldd saǥstõõllmen ääiʹjpoddsaž ǩiõllääʹšši pirr. Mäʹhtt tueʹrjjeed ođđ ǩiõl mainsteejid da ǩiõlõõʹnnid? Čeʹvetjäuʹrra niõǥǥtõõllât pååʹštkoortin ǩeäʹšščuäʹjtõõzz da ââʹn noorrât tieʹǧǧ tõn vääras. Mari Korpimäki maainâst jeänab âʹnnjõs haʹŋǩǩõõzz pirr. Tuåimteei Sajooʹzz studiost Sara Wesslin.

Lähetykset

  • ke 13.4.2016 11.20 • Yle Areena

Jaksot

  • Njauddâm da Čeʹvetjääuʹr vuuʹd siidsååbbar õʹnneš jåhtta mââibaarǥ Čeʹvetjääuʹr škooulâst. Pääiʹǩ ool leʹjje noorõõttâm õhttsa 16 säʹmmla da siʹjji pieʹllkueiʹm. Siidsåbbar âʹnnjõžääiʹjest da puõʹtti čõõuč ouddooumažvaalin mušttal Veikko Feodoroff.

  • Jåhtta mââiʹbarǥ leäi riâššum Njeäʹllem Keväjääuʹr vuuʹd siidsååbbar, leâša tän vuâra jiet vuäʒʒum nok oummu såbbra. Siidsåbbrin ǩiõttʼtõõlât tän ǩiiđ ääiʹj juʹn puõtti čõõuč ouddoummuvaalid da siidsåbbar feʹrttje vaʹlljeet kuhttuid vuuʹdid vaal-luʹvddkååʹdd vuässla. Nääiʹt mušttal saaʹmi ouddooumaž Tanja Sanila.

  • Ortodokslaž ceerkav lij vaʹlljääm Eʹčč Rauno, Rauno Pietarinen eeʹjj tuejjliʹžžen. Pietarinen on tuâjas viikkâm ooudâs ortodokslaž sieʹbrrkååʹdd tuâjjvueʹjjid ouddmiârkkân sosiaal media pääiʹt. Rauno Pietarinen lij jiõčč aktiivlaž sosiaal media õõʹnni da vuäinn, što ortodokslaž tuâjj feʹrttai viikkâd tõõzz, koozz sieʹbrkåʹddneeʹǩǩ lie. Tuåimteejen Sara Wesslin. Haastattelu on suomeksi.

  • Jeäʹnn lij mâʹte piârri ǩeäʹdǧǧjueʹlǧǧ. Sääʹmjeäʹnn ââʹnn huõl kulttuur, äʹrbbvuõđi da ǩiõl serddmõõžžâst puõʹtti puõʹlvvõõǥǥid. Čeʹvetjääuʹrest riâššeš jieʹnnipeeiʹv ciisten õhttsaž prääzniǩ Čeʹvetjääuʹr škooulâst. Pääiʹǩ ool leʹjje norrõõttâm sääʹmjieʹnn ǩidd Âʹvvlest da Čeʹvetjääuʹr vuuʹdest. Tuåimteei Eeva Nykänen saǥstõõʹđi sääʹmjieʼnnjid. Vuõššân kuulât Veikko Feodorooff saaǥǥvuâr.

  • USA uuʹdi jåhtta Lääʹddjânnma Arktlaž suåvtõõzz saaǥǥjååʹđtemvuâr Alaskast. Arktlaž suåvtõs lij kääuʹc riikki halltõõzzi forum, mõõn taavtõʹssân lij oouʹdeed ǩeâllʼjeei ouddnummuž da viikkâd ooudâs še arktlaž alggmeerai õhttsažtuâj riikkiʹvuiʹm. Sääʹmteeʹǧǧ saaǥǥjååʹđteei Tiina Sanila-Aikio leäi tän neäʹttlest seuʹrrjemmen ministersåbbar Alaskast Fairbanks-gåårdest. Tuåimteei Sara Wesslin.

  • Njauddâm sijddõhttõs lij plaaneemen jieʹnnipeiʹvvprääʹzniǩ Čeʹvetjäurra,Helmi Haataja Njauddâm sijddõhttõõzzâst maainast.

  • Odd kueʹllšeeʹllemlääʹǩǩ lij leämmaš lääʹjjviõkksaž vueʹssmään aalǥraaʹjest. Lij-a tän laaǥǥâst vaikktõs mij säʹmmlaid kueʹllšeeʹllemõʹsse sääʹmvuuʹdest, tän pirr maainast vääʹrouddooumaž Veikko Feodoroff.

  • Sääʹmteeʹǧǧ saaǥǥtuõʹlljeei Tiina Sanila-Aikio mieʹldd Lääʹddjânnam meersažmuʹzei tuʹmmstõk škiâŋkked sij sääʹmkaauʹnid Sääʹm-muʹzei Siʹjdde lij jõnn äʹšš alggmeerai jieʹllemtääʹzzest. Nuõrttsäʹmmlaid še täʹst lij tuõđi jõnn miârkktõs. Tuåimteei Sara Wesslin.

  • Sääʹmfiʹlmmraajjʼjid Gaurilooff vuäittmõš mõõnni neäʹttlest vuäitt aaʹveet ođđ palggsid sääʹmfiiʹlmin. Saaʹmi läänčeäppneǩ miõlâst Katja Gaurilooff vuäittmõõzz vuäittči analysâʹstted nuʹt määŋgpieʹllsânji, što måkkam ärvv suu ciistest lij. Mon kaunnõõđim Aikioin jåhtta da sâǥstõõlim jiânnai sääʹmfiiʹlmi âʹnnjõžääiʹj sââʹjest. Tuåimteei Sara Wesslin.

  • Mari Korpimäki alttii Sääʹmkultturfoond äʹššooumžen pâʹzzlâšttam-mannu aalǥâst. Ođđ tuâjj lij suʹnne vuäittmõš tuejjeed tuâj sääʹmkulttuur da nuõrttsäʹmmlaid ouʹdde. Tuåimteejen Sara Wesslin.

  • Jiʹhttel õlmstâʹtteš ođđ tivttǩeʹrjj nuõrttsäämas. Njuämmlaž njoikk -ǩeeʹrj lij Satu Moshnikoff raajjam. Moshnikoff leäi mieʹldd Tiõrv-vuõlttõõzzâst 15.3.2017. Tuåimteejen lie Sara Wesslin da Erkki Gauriloff.

Ei tulossa olevia jaksoja

Kuuntele myös

    Muualla Yle.fi:ssä