Beaivvi sagat

Leena Palojärvi oaidnu Eanodaga searvegotti ektodáhttolaš barggu lasiheapmái

  • 1 min
  • toistaiseksi

Eanodaga searvegotti váldostivrra sátnejođiheaddji Leena Palojärvi oaidnu searvegotti eaktodáhttolaš barggu lasiheapmái. Doaimmaheaddji Minna Näkkäläjärvi

Lähetykset

  • ma 27.2.2017 11.15 • Yle Areena

Jaksot

  • Máhccat vel Suomas čađáhuvvon gielddaválggaide ja Eanodahgii. Janne Näkkäläjärvi oažžui Johtti Sápmelaččat ovddasteaddjin eanodatlaččaid jienain measta 5 %. makkár jurdagiin son vuolgá su nubbi áigodahkii Eanodaga gieldda váldostivrras čohkkat. Doaimmaheaddjin Minna Näkkäläjärvi

  • Vectorama fierbmedihtorspeallan dahje lani-dáhpáhus lágiduvvo Oulus dán jagi geassemánu 8.-11. beivviin. Mainna mielain dáhpáhusa prošeaktahoavda Jussi Korpimäki vuorddáša dáhpáhusa ja erenomaš čájáhusa, mii galgá gitta Eanodaga rájes dohko boahtit. Jearahallan lea suomagillii, doaimmaheaddjin Minna Näkkäläjärvi.

  • Eanodatláš Mihku Näkkäläjärvi lea guvttiin olbmáinis vuolgime boahtte geasi stuora Vectorama- fierbmespealuid dáhpáhussii Oului.
    Mihku Näkkäläjärvis ja Juho Välitalos lei diibmá geasset, juo Heahtás boares dihtorspealuid čájáhus ja dál dainna seammá čájáhusain soai leaba manname Oulu lani- dáhpáhussii, mii lea suoma njealját stuorimus lani- speallan dáhpáhus.
    Mainna mielain Mihku Näkkäläjärvi lea Vectorama dáhpáhussii vuolgime, dán gullat dál. Jearahallan lea suomagillii. Doaimmaheaddji Minna Näkkäläjärvi

  • Johtti Sápmelaččat searvvi easka gielddaválggain nubbi áigodahkii válljejuvvon Janne Näkkäläjärvis leat oainnut sámesoahpamuššii, ja son maid sávvá ahte Sámedikki Heahtá dilálášvuhtii, odne mánnodaga bohtetge dál Eanodaga sápmelaččat oainnuideaset muitalit, go geardde dása dál lea dilálášvuohta láhcojuvvon.
    Sámesoahpamuša birra lea odne ságastallandilálášvuohta Heahtá skuvlaguovddážis diibmu 17.00 rájes ja dán ovdál, Sámi Árbi dilálášvuohta seammá sajis diibmu 15.30 rájes.
    Doaimmaheaddji Minna Näkkäläjärvi.

  • Suoma 100-ávvujagi gudnin lea Tunturilatu ry báikkálaš Njálla- ossodat, ordnen čuoiganmaratona Levis gitta Háldi- duoddarii. Čuoigán lea álgán Levis mánnodaga 17. beaivve ja bistá gitta cuoŋománu 30. beaivve rádjái ja dalle leat galgan visot vehá badjel 50 čuoigi čuožžut Háldi duoddara nalde.
    Okta dain olles sulaid 330 km čuigiin lea Kárášjoga gielddadoavttir Ilona Sipilä. Makkár mielain son lea čuoganmaratona 4. beivve, dán gullat dál.
    Doaimmaheaddjin Minna Näkkäläjärvi

  • "Bija váikko Billáhuvvan bánanat kursa namman" dajai SOGSAKK sámegiela oahpaheaddji Ellen Pautamo iežas kursa namman ja de reškkii nala, ahte "eai dán várra earát gal ipmir mas lea jearaldat, go dat kursalaččat mat leat mielde", iige gal doaimmaheaddjige ipmirdan, muhto suohtas orui dáin kursalaččain leamen. Logenár kursalačča birra Suoma leat čoahkkánan Heahttái deaivvadit ja lohkat sámegiela gaskadásis ja dál doaimmaheaddji besaiges sin sámegiela máhttu ja kursavásahusaid gulasguddat.
    Dán jearahallamis gullat oululáš Tomi Guttorm, suovvaguoikkalaš Tuuli Lindberg, oululáš Inga Labba, gii álgoálggus Heahtás eret ja de vel sámegiela oahpaheaddji Ellen Pautamo.
    Ganske boahtte háve go lea joatkakursa, de juo čielga billáhuvvan banánaid mysteria. Doaimmaheaddji Minna Näkkäläjärvi

  • Guovdageainnu beassášdoalut lahkkonit ja gelddolaččan daid maid vuordá gárasavvonlaš juoigi, Ingá-Máret Gaup-Juuso, geas ođđa čuojahanjoavku; Tundra Electro.
    Tundra Electro joavkui gullet Ingá-Máreha lassin Patric Shaw Iversen, Aleksander Kostopoulos, Harpreet Bansal ja Georg Buljo.
    Tundra Electro galgá vuosttáš háve leat lávdde nalde Guovdageainnus, guhkesbearjadaga juoigankonseartta oktavuođas, ja dát illudahtta nuorra gárasavvonlaš juoigi. Standing Rocks lea báiki Davvi Dakohtas, muhto mot dat láktasa Tundra Electro konserttii, dán gulat maid dás. Doaimmaheadjin Minna Näkkäläjärvi.

  • Mot mannet gielddaválggat Eanodagas, gos Suoma áidná čielga sámiid listu, Johtti Sápmelaččat, lei iežas evttohasaiguin vuolgán váldostivrabáikkiid háhpohallat. Ovddit válggáin jagis 2012 Johtti Sápmelaččain lei golbma váldostivrasaji. Gárasavvonlaš Biret-Elle Juuso lei okta gielddaválgaevttohasaiguin, dál gullat mo suinna manai. Doaimmaheaddjin Minna Näkkäläjärvi

  • Daid gielddaválggaid válgavuoiti Eanodagas lei čielgasit Olgesbellodat. Olgešbellodat oaččui guokte lassebáikki gieldda váldostivrii, ovddit áigodagas Olgešbellodagas ledje juo guokte báikki. Gilbbesjávrelaš fidnodatdoalli Elina Rousu lei albma jietnahára 68 jienain. Dussebeare Kristtalaš bellodaga aidná evttohas Outi Kurkela oaččui eanet jienaid, olles 74 jiena, nu ahte Kristtalaš bellodahkii dán háve manai daid gielddaválggaid Eanodaga jietnahára tittel. Muhto makkár dovddut Elina Rousus dál iđđes, maŋŋel válggaid, dán gullat dál. Jearahallan lea suomagillii. Doaimmaheaddji Minna Näkkäläjärvi

  • Suomas lei ikte sotnabeaivet cuoŋománu 9. beaivve, gielddaválgabeaivi ja nu lei maiddái Gárasavvonlaš Wilhelm Tornensis boahtán jienastit Gárasavvona skuvlii. Makkár jurdagat sus gielddaválgaevttohasain, leigo evttohasa válljen álki ja maid son vuordá iežas evttohasas, jus dat beassa čađát Eanodaga gielddapolitihkii. Doaimmaheaddji Minna Näkkäläjärvi

  • Saara Ketola lei Gárasavvona válgabáikkis válgaveahkkin. Mii su doaibmagovvan doppe lei ja makkár jurdagiin son jienasteaddjin áigu daid válggaid čuovvulit ja maid vuordit iežas gielddaválgaevttohasas. Doaimmaheaddji Minna Näkkäläjärvi

  • Sámiiid Girkobeaivvit Árvidsjávrris ordnejuvvojit geassemánu 16.-18. beivviin 2017. Sámisoster lea ordneme givttaheami Girkobeivviide ja almmuhanáigi givttaheapmái mielde lea vel 20.4. rádjái rabas. Vuolgin Árvidsjávrái lea juo gaskavahku ja ruovttoluotta boahtit easka mánnodaga, vahku bistti Geasseluomu reaisu lohpida Sámisostera doaibmabagadalli Leena Palojärvi oasseváldiide.
    Ja gii háliida vuolgit Sámiid Girkobeivviide Árvidsjávrái, galgá dál doapmálit álmmuhit iežas Sámisostera doaibmabagadalli Leena Palojärvii tel bokte nummarii +358 40 742 8525 dáhje šleđgapoastta bokte leena.palojarvi@samisoster.fi ja álmmuhan áigihan lea dohko cuoŋománu 20. beaivve rádjái. Mátki idjadeamiidguin, boradeamiiguin ja girkobeivviid dáhpáhusamávssuin máksá duššebeare 200 €. Doaimmaheaddji Minna Näkkäläjärvi

Ei tulossa olevia jaksoja

Klipit

  • Sámisostera Buorre boahtteáigi – Boazosápmelaččaid buresveadjima ja oassálastima ovddidanprošeakta ordne Searas boazosámiide lášmmohallanbottuid Heahtás ja Gárasavvonis. Saara Ketola lea daid joavkkuid movttegis jođiheaddji ja dál gullatge ahte maid jurddaheaba Heahta SBS-joavku lášmmohallit Káren-Ann Proksi ja Marja Näkkälä. Muhto álggos vehá lášmmohallat. Doaimmaheaddjin Minna Näkkäläjärvi

Kuuntele myös

    Muualla Yle.fi:ssä