Gilidalu sáivu rahpui geasseáigái

Gáregasnjárggagilidállu Sáivu lea gili čoahkkinbáiki, turismainfo ja gafea geasiáigge -dat leat balvalandállu mátkálaččaide ja giliássiide. Ikte gilidállu ráhpui geasseáigái ja gilisearvvi olbmot ledje ortnemindálu ja bidjámin oidnosii info čallosii mátkálaččaide. Gilidállu lea gieldda turismainfo báikki ja sierralagan infočallosii lea buktán Ohcejoga gieldda turismačálli Maria Harjula: Doaimmaheaddji Nils Pajuranta

Ohcejoga sámegielat rihppaskuvlla geasuha miehtá Suoma (Sápmi)

Ohcejogas lea sámegielat rihppaskuvlla 13. - 22.6.2013. Oulu bismagotti sámebarggu čálli Erva Niittyvuopio lea áŋgirit dieđihan sámegielat rihppaskuvllas juoba facebook, báikkálaš aviissaid ja sámiservviid bokti. Rihppaskuvllalaš Hansá Korpi mielas Ohcejoga rihppaskuvlla lea dat buoremus. Konfirmašuvdnaipmilbálvalus le Ohcejoga girkus lávvardaga 22.6.2013 dmu 11. Doaimmaheaddjit: Maiju Saijets ja Kaija Länsman

Čoroheh jonsahpeivooho aalkâst

Junnás-Haanu-Hansâ Hans Mattus ja toimâtteijee Veikko Aikio eelinj jonsahpeivooho aalkâst keeijâtmin luámánijd, ja kuábáškin ii lam ovdil náávt toolää uainám čorohijd.

Ealli biras čájáhus Siiddas

Sámi musea Siiddas lea dál oaidninlahgái Ealli biras čájáhus. Das beassat oahpásmuvvat sámiid historiai ja argábeaivvi eallimii gitta ovcci duhát jagi duohgái. Čájáhus lea rávas jagi 2014 miessemánu lohpii: Doaimmaheaddji: Veikko Aikio

Avvila geassemárkanat (Sápmi)

Duorastaga álge Avvila geassemárkanat. Dohko ledje čoahkkanan dievva toargga vuovdit gitta Gaska-Suoma rájis. Vuovdemassii ledje earret eará biktasat, buotlágán borramušat, sáimmat, láhteránut, rásit, rottetkoret ja ollu buotlágán unnit gálvvut. Márkanat joatkášuvvet lávvardaga radjái. Ságas gullojit Iida Grönmo, Raimo Hannula, Uula Aikio Ohcejogas ja Karoliina Nuorgam. Doaimmaheaddjin Veikko Aikio.

Soalddáha sálbmagirji sámegillii álmmuštuvvá 2014

Dáppe davvin gálledii Bealuštusfámuid oaiveguovddášbáikkis gieddebisma Pekka Särkiö. Pekka Sirviö muitala, ahte bealuštusfámut ovddidá sámegiela iežasit doaimmain nu ahte, dáppe Sámis sáddejuvvo gohččunreivve golmmán sámegielán ja Solddáha sálbmagirji álmmuštuvvá čakčat 2014 golmmán sámegielán. Bargojoavkkus lea fárus sámeáššiid čálli Erva Niittyvuopio Oulu bismagottis. Dán sámegielat sálbmagirjjái bohttet 100 davvisámegielat sálmmat ja maid anárašgielat sihke nuortalašgielat maid. Siiddut leat vuollel 200 dálá dieđu mielde. Doaimmaheaddji: Annel Lappalainen

Samedikkis dál: Yrjö Musta 12.6.2013

Vääpu Maati Uulá Irján, Yrjö Musta, lii tääl vuostáspaje jeessân sämitiggest. Sun lii meid mieldi maangâ lávdikoddeest. Tiáhálâš äššin sun tuállá ILO sopamuš jâ Sämitige lavâ uđasmittem já meid škovlâ ääššijd.

Soahteveteranaid balkkasupmi Pentti Pieskii

Dálgo lea friiabeaivvit barkkus lea áigi ortnet ja bihkađit fátnasa ovdal guollebivddu, boaresbihká lea boarre faskut eret vuoi ođđabihka dárvána buorbot. Son mai lea ozzon dovddastumi barggus man lea bargan Ohcejoga soahteveteránaid buorrin ja das lea muihtun sutnje geigejuvvon gudnegirji ja medallja. Min melbargi lea deaivvađan Pentti Pieskin Sparasuoguihkagáttis ja ná soi sagastallaba: Doaimmaheaddji Nils Pajuranta

Stuorra luossabivdit Hietalahti ja Korpela

Miessemánu loahpas ledje Oulus meahcce- ja bivdovuovdalanmárkanat. Mielde ledje maiddái guokte beakkán neavttárá Kari "Hissu" Hietalahti ja Tommi Korpela. Soai leaba dál golbma jagi juo johtán Deanu alde ja leaba stággobivdit. Ná sága álgui sudno bivdooahpaheaddji Antti Guttorm muitala stággobivddu bivnnutvuođas. Doaimmaheaddji Sámmol Ánde Lukkari.

Mii-searvi plánemin giellalávguma Roavenjárgii

Roavvenjárgga Sámesearvi Mii ohcá sámegielat giellabeassedoaimmain beroštuvvan bearrašiid Roavvenjárgga guovllus. Searvvi ulbmilin lea čielggadit vejolašvuođa ordnet sámegielat giellalávguma giellabesiin Roavvenjárgga guovllus, muitala searvvi oktavuohtaolmmoš Rauni Äärelä. Doaimmaheaddji Susanna Guttorm. (Sápmi)

Boahttevuohta- seminára ortnejuvvo Anáris

Suomas lea sámiid ovttaveartásašvuođa ovddideapmi, ja dán olis lea mearreduvvon dollot seminára Anáris man fáttán lea sámiid vuoigatvuođat eamiálbmogiin ja semináras áššedovdit bohtet muitalit ee. mii lea Ilo- soahppamus. Jođihanjoavkku lahttu Sámisoster searvvi doaimmajođiheaddji Risten Ravdna Magga: Doaimmaheaddji Nils Pajuranta

Cafea 70 N

Mirri Ranttila guorahalai ja geahčai sierra statistihkaid ja das oinniid man ollu turistat johtet Gáregasnjargga bokte Nordkáhppii. Nu son vuođđudii fitnodaga, mii fállá johttiide idjasaji, biepmu ja kafeabálvalusaid. Ná son muitala manin ii sáhttán geavahit fitnodaga boares nama ja mas dat ođđa namma boahtá. Doaimmaheaddji Nils Pajuranta (Sápmi)

Sami Duodji heaittiha Eanodagas doaibmabáikki (Sápmi)

Sami Duodji ro. lea mearridan, ahte heaittiha Eanodaga doaibmabáikki ruhtavátnivuođa dihtii geassemánu loahpas. Searvvis leat doaibmabáikkit Eanodagas ja Anáris. Elli-Saara Magga Eanodags leat fuolas gosa bidjet dáiddárat dujiid. Sami Duoji stivrrajođiheaddji Jouni S. Laiti lohpidage ahte, sii leat fárus dáhpáhusain ja vejolaččat prošeavttaid olis. Doaimmaheaddji: Maiju Saijets

Ohcejogas hui liegga álgogeassi

Sámis leamašan hui liegga álgogeassi. Ohcejogas lea mihtiduvvon juo moadde lieggaoláhusa dán geassái. Dálkediehtagalágádusa guhkesáigásaš dálkemihtideaddji Kirsti Aikio muitala vuos Miessemánu oláhusas. Doaimmaheaddji Sámmol Ánde Lukkari.

Utsjoen eränkävijät ry. doaibman 40 jagi

Utsjoen Eränkävijät bivdosearvi vuođđuduvvui 29.3.1973. Dán ságas Ylitalo-Jovnna, Jouni Helander muittaša searvvi álgoáiggi ja dálá stivrra várreságadoalli Petteri Valle muitala otná doaimmain. Doaimmaheaddjin Sámmol Ánde Lukkari.

Samedikkis dál: Anna Morottaja 5.6.2013

Anárlaš ja Anársápmelaš Anna Morottaja lea vuosttas baji Sámedikkis ja dadjá oahppan ollu dan áigodagas. Sahkavuorru báddejuvvon Sámi radio Anár studios 4.6.2013 Doaimmaheaddji: Veikko Aikio