Nuõrttsäämas

Suomunruoktun teevvmööžž

  • 4 min
  • toistaiseksi

Lähetykset

  • ke 24.7.2013 10.34 • Yle Sámi Radio

Jaksot

  • Yle Sääʹmjânnam ođđ maainâsrääidast smiõttâd ǩiõllkõõččmõõžžid. Ǩiõllminuuttid tooimteškuäʹtte Sääʹmteeʹǧǧ ǩiõlltuâjjla Terhi Harju da Merja Fofonoff. Vuõssmõs prograammest kuulât nuõrttsääʹm saaʹni varddsažvuõđ pirr. Nääiʹt Merja Fofonoff da Terhi Harju juäʹtǩǩe.

  • Täk lie juʹn nuuʹbb saaʹmi ouddooumažvaal, koin lie vaiddlum vaaldšemvuõiggsa da vaiddlõõzzi õhttvuõđâst lie saaǥstõllum jiânnai še sääʹmlääʹjj pirr. Leäi-a tän čõõuč vaali vaal-luʹvddkååʹddest ouddmiârkkân vuõiggâdvuõtt ärvstõõllâd võboršiiʹǩǩi ǩiõllsilttõõzz? Jukka Mirvo lij mädd- da meäʹcctäällministeria vuämmsab vaaldšempiisar da vasttad sääʹmlääʹjj kuõskkvaž aaʹššin. Tuåimteejen Sara Wesslin. Haastattelu on suomeksi.

  • Veikko Feodoroffe täk vaiddlõõzz jie pueʹttam õõltõʹssân. Tâʹvv-Lääʹddjânnam vaaldšemvuõiggâz ǩiõttʼtââll vaiddlõõzzid nuʹt, što vaal-luʹvddkåʹdd peäss čieʹlǩǩed jiijjâs vaʹsttõõzz. Feodorooff miõlâst lij õinn äävai kõõččmõõžž, što ǩii alttad saaʹmi ouddooumžen eeʹjj vaajjtõõzzâst.

  • Nu´bb vaiddleei leäi Sergei kp Fofonoff Njeʹǯǯjääuʹrest. Fofonooff miõlâst son ij leʹčči taarbšam čuäʹjted ǩiõllsilttõõzz, ko kuhttu lie tuåimman saaʹmi ouddooumžen juʹn ouddâl. Tuåimteei Sara Wesslin mainstââʹtt.

  • Mõõnni neäʹttlest pueʹtte kueiʹt vaiddlõõzz Tâʹvv-Lääʹddjânnam vaaldšemvuõiggsa, ko vaal-luʹvddkååʹdd piijji Veikko Feodoroff ouddooumžen puõʹtti pâjja. Tanja Sanila, ǩii tuåimm ânnʼjõž saaʹmi ouddooumžen vaiddli še vaal-luʹvddkååʹdd mieʹrrõõzzâst. Tuåimteejen Sara Wesslin.

  • Oulu universiteeʹtt reâšš nuʹbb vuâra nuõrttsääʹmǩiõl vuâđđmättʼtõõzz eeʹjj 2018 aalǥâst aaʹljeeʹl. Ââʹn tän mättʼtõʹsse vuäitt ooʒʒâd da ooʒʒmõõžž feʹrttai leeʹd Oulu unviersiteeʹttâst 31. kålggmannu. Sääʹmǩiõl universiteeʹtt lehtor Eino Koponen mušttal mättʼõõzzi pirr jeänab:

    [DTT 20170927 Eino Koponen koltansaamen opinnot, 00:05:37]

  • Čeʹvetjääuʹrškoouʹl sääʹmǩiõll kuʹǩesäiggšaž uʹccteeʹl Seija Sivertsen mušttal Nuõrttsääʹmǩiõll mättˈtõõzz ååʹnjõsääʹjjvueʹǩǩest da tõõn vaaʹǯǯtõõssist. Škoouʹlneeʹǩǩ mieʹrr lie mõõnni eeʹjjin siõmna šornnâm leša uʹccteeʹllid da ǩiõllmainsteejjid taaʹrbčeʹččip võl õinn. Tuåimteei Ville-Riiko Fofonoff.

  • 15 eeʹjj mââiårra Veikko Feodoroff vaʹlljeeš vuõssmõs vuâra saaʹmi ooumžen da ââʹn son juätkk tuâjjnes eeʹjjvaajtõõzzâst. Čeʹvetjäuʹrrneǩ Veikko Feodoroff õhtt kuʹǩǩäiggsaž saaʹmi ouddoummin nuõrttsäʹmmlai historiast. Tuåimteejen ääʹššest lij Sara Wesslin.

  • Âʹvvel nuõrttsääʹm ǩiõllpieʹzzest Peʹssrest lie ââʹn õhttsa kutt päärna. Peʹsser -ǩiõllpieʹzz hoiʹddjeei Pirjo Lotvonen mieʹldd ääiʹj lie mottjam jiânnai, ko õinn nuõrab nuõrttsäʹmmla haaʹlee siʹjji päärnaid sääʹmǩiõllsaž pirrõõzz. Kuuitâǥ tän ääiʹjest lie jiânnai ǩiõlteʹmes puõlvvõõǥǥ.

  • Keväjääuʹrneǩ Terhi Harju lij vuõssmõs čõõuč ääiʹj viikkâm suu pääʹrn Ǩiurrâl ǩiõllpeässa.Son ij jiõčč piâssâm päʹrnnpooddstes mättjed sääʹmǩiõl. Son vuäǯǯai muäʹdd čiâss nuõrttsääʹmǩiõl mättʼtõõzz Njeäʹllem škooulâst da mättʼtõõđi ǩiõl vuõrâsooumžen. Teʹl ko son kuuli, što vuârdd vuõssmõs päärna, son tuʹmmji, što äigg mainsted päärnže pâi säämas. Nuʹt son lij tän rajja še tuejjääm. Tuåimteei Sara Wesslin.

  • Õhttõõzz da pirrõõzz tuärjj lij pukin vääžnjumuž äʹšš ǩiõllpiezzjid da ǩiõllpieʹzzi piârjid, čuäʹjat võõrâs pro gradu -tuʹtǩǩummuž nuõrttsaaʹmi ǩiõllpieʹzzin. Tiina-Maaria Laihi Heʹlssen universiteettâst jieʹli tobdstõõttmen suu pro gradu -tuʹtǩǩummuž vääras nuõrttsäʹmmlai ǩiõllpeäʹsstuåimid Aanrest. Suu võõrâs tuʹtǩǩummuš čuäʹjat, što håʹt päärna peäʹsse ǩiõllpieʹzzest jieʹlled sääʹmkulttuur seʹst, feʹrttai siʹjjid leeʹd še jeeʹres vueʹjj, koin jeällted sääʹmǩiõl. Kulddâl suu tuʹtǩǩummuž pirr lääddas. Tuåimteei Sara Wesslin.

  • Saaʹmi ouddoummuvaali vaal-luʹvddkåʹdd tuõttad, što saaʹmi ouddoummuvaalin 2017 leäʹt piijjâm õõut vaalââʹntemvuõđlaž võboršeǩ, Veikko Feodoroff da nâânii Feodorooff saaʹmi ouddoummžen poʹdde 2018-2020 jååutjõž såbbrestes. Veikko Feodoroff jiõčč mušttal Yle Sääʹmjânnma, što leʹčči tän sââʹjest leämmaž siõǥǥ, što nuõrttsäʹmmla leʹčče piâssâm jiõnsted. Tuåimteei Sara Wesslin.

Ei tulossa olevia jaksoja

Kuuntele myös

    Muualla Yle.fi:ssä