Buorre idit Sápmi

Yle, SR ja NRK oktasaš, davviriikkalaš iđitsátta radios. Juohke árgabeaivve 8.00 - 10.00 Suoma áigge. Saamenkielinen aamulähetys, jonka tekevät yhteistyössä Yle, SR ja NRK. Joka arkipäivä 8.00 - 10.00.

Jaksot

  • Gaskavahkku Buorre iđit Sápmi -sáddagis lea sáhka earret eará Sámi allaskuvlla ja Romssa universitehta buohccedivššároahpus, ON:a olmmošvuoigatvuođa ja birasguoski áššiid spesiálaraportevra Mr David R Boyd ja ON:a allakommiseara Aila El-Khatib gálledeaba Norgga Sámediggi, Norggas orru Suomabeale sápmelaččaid jienastanhástalusain sámediggeválggain.

    Lágideaddjin leat Karen Eira, Jaana Kynkäänniemi ja Inger-Elle Suoninen.

  • Buorre iđit Sápmi.

  • Sámediggeválggaid poastajienasteapmi lea dagahan olu moivi erenomážit boaittobealguovlluin. Čeavetjávrilaččat galget mátkkoštit poasta bálvalanbáikái joba 112 kilomehtera. Jienasteaddji Terhi Harju mátkkoštii Anárii jienastit lávvardaga, go árgabeivviin eai leat dasa vejolašvuođa. Doaimmaheaddjin Xia Torikka.

    Golbma geardde vel oččot olbmot Porsáŋggus luoikkahit girjjiid girjebusses. Ođđajagimánus heaittihuvvo dát fálaldat danin go Sámediggi lea mearridan vuoruhit eanet ruđaid sámi girjjálašvuhtii dan sadjái go girjebussii. Dás gullat Sámedikki ráđđelahttu Henrik Olsen ja girjebusse stivraláhttu Kåre Olli. Doaimmaheaddjin lei Arne Ivvár Johnsen.

    Vassan lávvardaga merkegođii ja klipsegođii Jovsset Ánte Sara 275 bohccos eará merkii.
    Beakkán Sámi artista Mari Boine doarjuid maid Jovsset Ántii ja son oaivvilda, ahte lea dehálaš doarjut nuoraid. Skáiddis leigga fitnan Anders Boine Verstad ja Nils John Porsanger.

  • Buorre iđit Sápmi.

  • Girjjás gearregiin Stockholmmas Hans Forsell, Tilda Ponten, Mattias Åhren ja Eivind Torp. Inšenevrra oahpuid lassin sámegielat oahpaheaddji oahpuide, ná Susanne Næss Guttorm bálvala servodagas. Ja dása Jan Gunnar Johansen kommeanta. Sámi buohccedivššároahpuide ráhkkaneapmi buorre muttus Sámi allaskuvllas, muitala prošeaktajođiheaddji Anja Somby. Borramuš ii gallggaše bálkásit nu ollu go maid dál dahká, Anna Morottaja vállje dárkket gos oastá ja maid oastá. Našunála doaibmaplánas veahkaválddálašvuođa hárrái muitaleaba Aili Keskitalo ja Monika Mæland. Studios Thoralf Balto, Jouni Aiko ja Ánne-Rávná Allas.

  • Sarvvabivdu dagaha konflivttaid, Girjás čearu diggeášši čuovvun, ođđa gielddastivralistu Evenáššis lea stuorámus, girkuid máiilmmiráđi álgoálbmotnuoraid konfereansa Jáhpanis ja magisttardási dutkamuš sámegiela oahpaheami didaktihkas. Mielde sáddagis Jenny Wik Karlsson, Eivind Torp, Jan Inge Yttervik, Jardar Jensen, Terje Bartholsen, Mari Valjakka ja Ellen Ravna. Studios Thoralf Balto, Jouni Aikio ja Lars-Ola Marakatt.

  • Gironis nannejit mánáid sámegiela dáiddu. Ohcejogas sámesearvi ordne duodjerieggá nuoraide.Muđui dán iđit lea eanaš sáhka Norgga fylkka- ja gielddaválggain. Studios Thoralf Balto, Kjell Are Guttorm, Ánne-Rávná Allas ja Jouni Aikio.

  • Skohtergielddus áššis Gironis Håkan Jonsson ja Marika Stinnerbom. Oarjelsaamie pod birra ságasta Ina Therese Sparrok. Giellabálkkašumi evttohusaid vurdet, muitala Per Johanas Marainen. Mo Norgga válgabeaivi oidno ja gullo NRK Sámis, dan čilge Mona Solbakk. Gielddaide viimmat sámegielat bálvalusaid oktasaš strategiija, bargui álgán Tuuli Miettunen. Álgaga das lea dahkan Anár gieldda Ruonáid váldostvirajoavku, muitala Miina Seurujärvi. Loahpas vel das maid Sámi musihkkaakademiija nuppi jagi oahppit Laura Tapiola ja Heli Aikio vuordiba oahpuin. Studios Thoralf Balto, Jouni Aikio ja Ánne-Rávná Allas.

  • Edith Anne Svonni oaivvilda dálkkádatnuppástusat rievdadit luonddu, dáiddar Monica Edmonsson rahpančájahus Girona Dáiddármuseeas Girona gielddaviesus, Sámi allaskuvla fállá eanas oahpahusaid neahtta bokte, Isabel Warsla muitala ahte sii eai oaččo Fossen mánáidgárdái sámegielat bargiid. Oahpaheaddji Jovnna Sámmol Laiti lea gaskavahko 4.9. ovdanbuktán Sámi allaskuvllas iežas mastergráđadutkosa. Dan oktavuođas sus leamaš Siida -museas “Eatnama fámolaš jienat” -čájáhus dán jagi álggus: ođđajagimánus gitta njukčamánnui. Dál gullat eanet maid dutkamuš gieđahallá. Sámi kultuvrra lea ovdan dál Suoma instituhtas Pariisas Frankriikkas. Dán čavčča ovdanbuktojuvvojit sámekultuvra oppalaččat ja sápmelaš duojit. Yle Sámi doaimmaheaddji Sara Wesslin lea maid dál Pariissas. Reportárin earret eará ee. Linda Marakatt ja Karen Eira. Studiolágideaddjin Kjell Marainen, Outi Paadar ja Jovnna Eira nuorat

  • Sámediggepolitihkkar Håkan Jonsson mieđiha son bivdá smávvaelliid lobi haga, Eajra čearru, Dalarna leanas, gávnnai disdaga golbma lágahis báhččon bohccuid ja ášši lea poliissaide ilmmuhuvvon, Hanno Svonni lea álgan lohkat sámegiela Sámi allaskuvlas. Kurt Maurstad muitala mo Kárájoga gielda šaddá máksit 800 kr diibmobálkká buohccidivššáriidda, Elin M Holmgren dadjá ahte sii vurdet buriid borgoveahkačovdosiid. Kárášjoga girkus muitoboddu. Oahpaheaddji Aura Mari Pieski lea geargan Sámi allaskuvllas ja mastergrádadutkamuššan čállán “Gulahallat eatnamiin ja čáziin”. Muitalusat eamiálbmot oahppan- ja gulahallanvugiin Deanuleagis. Gullat eanet mas dás lea gažaldat. Heli Huovinen muitala ahte ođđa Unna Junná mánáidprogámmat álget fas tv:s. Ja son muitala mii muhttašuvvá sáddenáiggiin. Reportárin earret eará Karen Eira, Anja Kaarret ja Jan Rune Måsö. Studiolágideaddjin Kjell Marainen, Outi Paadar ja Jovnna Eira nuorat

  • Inga Påve Idivuoma lea dál álgán koordináhtorin Duodjeakademiija ovddidanprošeavttas, mii lea ovttasbargodoaibma gaskkal Sámedikki ja Eanodaga gieldda. Girjas gerrega nuppat beaivi lea dollon ja gos bivdoláhka 80-logus namuhuvvui. Maid Norgga duopmárat ledje čuovvumin Girjas gerregiid. Politiija joatká dutkamiin helikopterlihkohisvuođa Álttás Finnmárkkus. Anne Karhu-Angeli muitala mo guoli čielgedávttiin ráhkaduvvojit čiŋat ja mo daid sáhttá báidnit iešguđege ivdnásažžan. Sámedikki ságadoalli Tiina Sanila-Aikio liiko guoledáktečiŋaide. Gullat manin. Reportárin earret eará ViviAnn Labba, Sidsel Vik, Jaana Kynkäänniemi, Karen Eira ja Anja Kaarret. Studiolágideaddjin Kjell Marainen, Outi Paadar ja Jovnna Eira nuorat.

  • Lars Miguel Utsi ja Eivind Torp jurdagat das go Girjás gearregat leat álgán Stockholmmas, Lars Miguel Utsi das, go Girjás čearru stevdnii Ruoŧa stáhta 10 jagi áigi. Álttás olles servodat morrašis ja Anders S. Buljo muitala ahte bellodagat loahpahan gielddaválgagičču. Aage Solbakk Oassi Jorma Mattson báikenammamateriála šaddá girjin ja Solbakk muitala ovdamearka Mattson materiálas. Ánne-Ovllá Ándde-Piera Valle lea duddjogoahtán atnubiergasiid juo nuorran ja gazzan dađistaga lasi duddjonoahpu. Dás son muittaša dan mo duodjái leamaš jearlamas, mo áiggit leat maiddái dán suorggis nuppástuvvá. Reportárin earret eará Jovnna Aikio, Karen Eira ja Kjell Are Guttorm. Studiolágideaddjin Kjell Marainen, Outi Paadar ja Jovnna Eira nuorat.

Kuuntele myös

    Muualla Yle.fi:ssä