Beaivvi sagat

ti 23.9.2014

  • 5 min
  • toistaiseksi

Otne rahppo govvadáiddár Merja Aletta Ranttila čájáhus Helssegis Galleria Kajastees. Galleria oamasteaddji Anna-Maija Kajaste muitala, ahte son lea čuvvon Ranttila dáidaga jo muhtin áigge. Ja go son gulai, ahte Ranttila lea álgán duddjot ođđa dáiddadujiid, son movttáskii ordnet čájáhusa Helssegii. Doaimmaheaddjin Kaisa Aikio ja Susanna Guttorm

Lähetykset

  • ti 23.9.2014 8.00 • Yle Areena

Jaksot

  • Leatgo gullan Duotnosleagi Väyläfestiválas ? Jus it, de dál beasat gullat makkár festivála dat lea. Väyläfestivála sátnejođiheaddji Paavala Jumppanen muitala dán jagáš festivala birra. Doaimmaheaddji Minna Näkkäläjärvi

  • Birasáššedovdit Suomas, Ruoŧas ja Norggas čoahkkanit ain guorahallat dan mo čuovvut dálkkádatrievdama ja eará nuppástusaid árktalaš luonddubirrasis. Dutkanlágádusat ovttas ámmátskuvllaiguin čogget aktiivalaččat dieđu luonddus nugo muohttagis, ealliid lihkadeamis, lottiid eallinbirrasiin ja vaikkoba šattolašvuođas. Dán áigái leat máŋggalagan vejolašvuođat, portálat ja diehtočoagginvuogádagat neahtas, maid bokte juohkehaš sáhttá almmuhit dieđuid birasnuppástusain. Dasa maiddái biraseiseválddit hástalit. Saku Anttila Suoma birasguovddážis (SYKE) lea mielde fidnus mas álbmogis fitnašuvvan dieđuiguin geahččalit ávkkástallat. Fidnu gulai geassemánus sámedutkiid ja luondduberošteaddjiid oaiviliid álbmotdieđu čohkkemis. Dutkidoavttir Klemetti Näkkäläjärvi Lappi universitehtas muittuha das, man dehalaš dieđuid čohkkedettiin ja almmuhettiin lea váldit vuhtii dutkama ehtalašvuođa. Govas Ákšovuonjiehkki Finnmárkkus. Doaimmaheaddji: Jouni Aikio

  • Maŋŋebárgga olggosaddojuvvui evttohus ođđa sámediggeláhkan. Sámedikki Tiina Sanila-Aikio muitala, ahte sámediggelága evttohusa meannudeapmi joatkašuvvá sámedikkis áramustá borgemánus. Dál láhkaevttohus lea cealkinláhkai 27.7. rádjái. Doaimmaheaddjin Anja Kaarret

  • Maid eanodatlaš Anne-Mari Kukkonen liiko leat Geassebeaivvi dáidagis dáhpáhusas, Duottarlappi Luondduguovddážis, Heahtás, dán gullat dál. Doaimmaheaddji Minna Näkkäläjärvi

  • Juoidáid ferte álot hutkat olbmuide, vai ii šaddá beare jaskes geasi álgu, ná muitala Eanodaga gieldda nuoraid bargobaji bargobagadalli Tanja Elsanen, gii lea ovttas nuoraiguin ordnen Geassebeaivvi dáidagis dáhpahusa Duottarlappi Luondduguovddážii Eanodahkii. Doaimmaheaddji Minna Näkkäläjärvi

  • Konfirmašuvnnat leat sámiide dehálaš doalut ja daidda fertege ráhkkanit buriin áiggiin, vai buot čiŋat leat sajis dan beaivve go mánná lávke ráves olbmuid searvái. Duojár Maarit Magga lea gorron ja duddjon giđa miehtá olles bearrašii, go su áidna nieida konfirmerejuvvo mihccamárbeaivve. Iige das vel galle, Maarit Magga lea maiddái dokumenteren ja govven ovttas Nilla-Máhtte Maggain buot bargguid, duddjomiid ja ráhkkanemiid mat mátkis rihppaide leat. Ulbmilin lea, ahte govat ja muitalusat šaddet ovtta beaivve vel girjin ja báhcet muitun boahttevaš buolvvaide. Min doaimmaheaddji Ánne-Sárá Paltto guovlalii Maarit Magga duodjevisttis Báljohtnjálmmis.

  • Gilbbesjávrris leamašan juo 73 jagi árbevierrun ordnet Mihcamárain čuoigangilvvohallamiid Sána duottára duohken, Sánajávrri jásas. Bovssojávrrelaš Johan Aslak Labba, Juhan dál muitala, goas son lea vuosttáš háve fidnan Sánajávrri mihcamárčuoigamiid geahččame ja makkárat dat dalle ledje. Ja gal Juhán diehtá maid muitalit mii Gilbbesjávrri Mihcamárain galgá dán jagi dáhpáhuvvat.
    Ja dat erenomášvuohta Gilbbesjávrri mihcamárčuoigamiin álot lea leamašan, ahte čuoiganbáikki lea álot gitta dás, ahte gos dat muohtta vel dalle gávdno, nubat maŋimus dieđu mielde čuoigangilvvohallanbáiki livččii Tuollu buohta ovtta skurččus, skohtermađia guoras, ii Sánajávrre gáttis...muht loahpalaččat čuoiganbáikki ii vel oktage dieđe, dat čielga easka ihttin 22.6.2018 bearjadaga, go čuoigamat leat.
    Doaimmaheaddji Minna Näkkäläjärvi

  • Sámediggeláhkadoaibmagoddi almmuhii evttohusas sámediggeláhkan maŋŋebárgga 19.6. Doaibmagotti ságadoalli Pekka Hallberg muitalii evttohusa vuos Sámedikki dievasčoahkkinlahtuide ja dasto dieđihangaskaomiid bokte álbmogii. Su mielde ráđđehusa evttohus vuolgá čakčagease riikkabeivviide jus Sámediggi nu dáhttu. Govva: Linda Tammela. Doaimmaheaddjit: Kaisa Aikio ja Jouni Aikio

  • Sámediggeláhkadoaibmagotti lahttu, Sámedikki ságajođiheaddji Tiina Sanila-Aikio ii dovddat duhtavašvuođa doaibmagotti evttohussii. Son atná dál "erenoamaš dehalažžan dan, ahte Sámediggi ovttas sámeservodagain váldá beali láhkaevttohussii ja geahččá leago dat dohkálaš". Su mielde Sámedikki dohkkeheami haga láhkaevttohus ii vuolgge ovddosguvlui. Govva: Vesa Toppari. Doaimmaheaddji: Kaisa Aikio

  • Väylänvarsifestivála dahje dego oarjabealde Eanodagas dadje Rádje-eadnu festivála álgá ihttin gaskavahku, geassemánu 20. beaivvi ja bistá olles logi beaivvi. Dat nuorra festivála lei diibmá geassit vuosttáš háve. Rádje-eadnu festivála ulbmil lea mátkkoštit Duortnosis Rádje-eanu mielde gitta Gilbbesjávrri rádjái ja čálmmustahttit Duortnos- ja Muoná leagi rikkis ja maŋggakultuvrralaš dáiddáeallima.
    Musihkkateman dán jagi dávviguovllu sálmmat, jazz, sámimusihka ja sierra musihkašlájaid deaivvadeapmi.
    Sámimusihkka vuosttáš konsearta lea Aavasaksas Suomabealde Mihcamárain lávvordaga 23.6. ja doppe konseartta doallá Ulla Pirttijärvi & Ulda. Mainna mielain juoigi Ulla Pirttijärvi lea Aavasaksai vuolgime dán gullat dál. Doaimmaheaddji Minna Näkkäläjärvi

    Väylänvarsi festivála eará sámi artistat leat Möte I konsearttas Látteváris Ruoŧabealde geassemánu 29. beaivvi bearjadaga Duo Arvvas ja Väylävarsifestivála loahpahankonsearttas Möte II konsearttas Gilbbesjávrris lávvordaga 30. beaivvi geassemánu fas Johan Sara Jr.

    Neahttačujuhusas www.vaylafestival.com gávnnat buot logi beaivvi prográmma Duortnos rájes gitta Gilbbesjávrri rádjái.

  • Almmái geahčai govain Amerihkas málle ja ráhkadii čáhcelottiide beassesajiid. Giđđat son stellii golbma vádjit salaguhkkosaš guovdjesoarvebihtá guovtte mehtera allodahkii doarrás. Su jurdda lea fidnet vuojažiid ja čivssaid besset dáidda. Dán giđa ii leat goittot vel mihkkege monnen su "vuovddaide". Vuovddat stellegiid alde oidnojit bures Gámas - Njávdán geidnui, dan mađi lahka geainnu dat leat. Heikki Rusanen lea dasa lassin heŋgon dábálaš čoađggevuovddaid Vávlli guovllus Anárjávrri davábealde, dain vuovddainge sus lea iežas málle. Rusanen lea fárren diibmá Sotkamos Anárii. Son barggai nuppelot jagi Talvivaara ruvkkis. Lundui ja lottiid veahkeheapmái sus lea bohciidan beroštupmi dás logi maŋimuš jagis. Doaimmaheaddji: Jouni Aikio

  • Guollegilvin lea nuppástusaid ovddas. Stáhtta lea stivremin guollegilvimiid viđa lágádussii, okta dain lea Anár guollešaddanlágádus. Luondduriggodatguovddáža LUKE Anár lágádusa bargun lea lea dál fuolahit namalassii Anár guovllu guollenáliid dahje -máddodagaid šaddadeamis ja veajehiid doalvumis bivdočáziide. Dán áigái Anáris doalahit golmma sortta guliid ja dat mearkkaša vihtta sierra guollenáli. Dat leat Avviljoga, Juvddu ja Čivttajoga dápmot, Anárjávrri rávdu ja Avviljoga čuovža. Vieris guollešlájaid doppe eai šat geiđahala. Guollegilvináššedovdi Timo Rauhala LUKE Anár lágádusas muitala, ahte stáhta lágádusas lea dihto geatnegasvuođat Báhčaveaji čázádagas, muhto boahttevouđas sáhttet omd. čuovžagilvimat nohkat. Rauhala čilge maiddái dan mii lágádusas aiddo dál dahkkojuvvo ja mo dápmotveajehiid gilvin Čivttajoga čázádagas dáhpáhuvvá. Doaimmaheaddji: Jouni Aikio

Ei tulossa olevia jaksoja

Klipit

  • Sámisostera Buorre boahtteáigi – Boazosápmelaččaid buresveadjima ja oassálastima ovddidanprošeakta ordne Searas boazosámiide lášmmohallanbottuid Heahtás ja Gárasavvonis. Saara Ketola lea daid joavkkuid movttegis jođiheaddji ja dál gullatge ahte maid jurddaheaba Heahta SBS-joavku lášmmohallit Káren-Ann Proksi ja Marja Näkkälä. Muhto álggos vehá lášmmohallat. Doaimmaheaddjin Minna Näkkäläjärvi

Kuuntele myös

    Muualla Yle.fi:ssä