Ealli arkiiva

to 2.3.2017

  • 30 min
  • ei kuunneltavissa

Miehtá Sámi 14.11.1980 muitalii rádjagielddaid ovddasteaddjiid ráđđádallančoahkkimis Kárášjogas. Nubbin áššin Dálvadis-teáhtera čájálmas "Ráidu manná", jienat Jielleváris.

Mielde sáddagis Hans Guttorm ja Petter Nedrejord Kárášjogas, Per Aleksandersen Deanus ja Toivo Suomenrinne Ohcejogas. Teáhterbihtá fas árvvoštallet Astrid Negga, Martin Suorra ja Johan Sjaunja. Doaimmaheaddjit: Sulo Lemet Aikio ja Nils Henrik Sikku.

Lähetykset

  • to 2.3.2017 10.00 • Yle Sámi Radio

Jaksot

  • Gánddaš-Márjjá dahje Vulle-Máret, is. Saijets lea riegádan jagis 1911. Dát muitalusat leat báddejuvvon jagis 1993. Son muittaša nuorravuođa, náitaleami ja dállodoalu. Doaimmaheaddji: Niilo Aikio

  • Ealli arkiiva.
    Guokte máidnasa: Hánno-Jovnna čuotnjága gaskin ja Suoma siskkáldas stuihmmi áiggit Anáris 1918.

  • Ealli arkiiva.

  • Ealli arkiiva.

  • Ealli arkiiva.

    Kristina Svonni, Nikolaus Svonni, Inga Kitok, Eva Nordlund ja Haldo Nordlund muitalit luonddudálkkodanvugiin, das mo ealliid ja olbmuid leat láven dálkkodit. Doavttir Per Jonas Blind mielas dát dieđut eai galggaše jávkat.
    Majlis Skaltje prográmma jagis 1982.

  • Marku Syväjärvi muitalusat goahteleallimis su mánnávuođas, boazobargguin nuorran ja biebmoháhkama birra nugo áldduid bahčimis. Son muitala maiddái ádjás Bienni-Juhána diehttidáidduin ja das man sávrres čuoigi lei Piera-eanu. Doaimmaheddjin Kalle Mannela 1987 ja Ánneristen Juuso jagis 2006.

  • Goneš-Máhtte, Jurpmu-Máhtte, Guhkes-Máhtte, Matti Valle. Su riegádanbáiki lea Jormokuoška ja maŋášassii ássanbáiki Suárvášluohtâ, Suáluijävri, Aanaar. Son lea okta čeahpimus máinnasteaddjiin ja máinnastii sihke anárašgillii ja davvisámegillii.
    Dán radiovuolggahusas gullat golbma máidnasa: Sovsčielggi stobu gobmi balddii su vielja ja beatnaga, Poastafievrredanmátkkis gobmi dohppii juolgái ja Guokte noaideáhku, Ábamárjjá ja Gieddegeašáhkku. Máidnasiid lea bádden Niilo Aikio.
    Ealli arkiiiva neahttasiiddus beasat gullat maiddái vearrás guovžžas, mii viimmat gottahalai ja Máhte bohccobiergogávppašemiin, Reaisavuona mátkkis ja álddu buvváneamis.

  • Sámi radio báddevuorkkás gávdnojit muitalusat sápmelaččaid luonddudálkkodanvugiin. Ándde-Jon Risten, muitaii jagis 1993 das mo cubbuin buoridit bátnevearkka ja bohtanemiid ja mo fas dihkiin buoridit smáitti čalmmis. Máhtodálkkasin son rávve vuoššat bárkočázi. Hánas-Ándde Niillas muitalii jagis 2007 mo bihkkalávccain ja bihka guččain lávejit dálkkodit eandalii ealliid muhto maid olbmuid. Šattuid geavaheamis dálkkasin leaba báddái muitalan Jumbál-Rávdná ja Juvvin-Ristin Máret. Doaimmaheaddjit: Inger-Mari Aikio, Nils Pajuranta, Minna Näkkäläjärvi ja Jouni Aikio

  • Guldal Ovlina-Ánne Ovllá, Oula Sara jearahallama jagis 1993. Ovllá lei dalle aiddobále deavdán 50 jagi. Sáhka lea diehttelas boazobargguin ja maiddái boazodoalu nuppástusain. Leihan Ovllá juo dalle leamaš lagabui 30 jagi Sállevári bálgosa ja bálgosiid ovttastumi luohttámušdoaimmain. Dán jearahallamis son maid muitala man dihte lei dehalaš vođđudit boazosámiid iežaset searvvi jagis 1993. Valástallama birra lea maid sáhka, Okta fearán su nuorravuođas lei dat go oppa Lismá gilli vulggii heajaide ja Ovllá bázii gusaid biebmat ja bahčit. Doaimmaheaddji: Jouni Aikio

  • Kaarina Labba muitalusaid su mánnávuođas das mo son lea oappáinis fearidan vuodjinherggiiguin ja makkár bárttiide gárttaiga meahcis. Goađis ássan ii lean mihkkege suohttasiid dálvit, gahpir ja vuovttat sáhtte jiekŋut ijas muohtaskálvái gitta. Leat sus maiddái suohttasut muittut nugo stoahkamat. Sii lávejedje sáhpániid njuovvat, dat leat mat bohccot. Njamatvuopmái sin bearaš viimmat ceggii stobu. Goađis orrun nie geahppánii. Dát ságastallan lea gullon Sámi radios jagis 2007 - dalle Nikke-Biehtára Káren lei 73-jahkásaš ja lei ássan juo guhkit áigge Heahtás. Doaimmaheaddji: Ánneristen Juuso

  • Uhca-Čálku, Uula Länsman Ohcejogas merkui dárkket dálkkiid ja lávii einnostit dan vuođul maid oaidná eatnamis, áimmus ja luonddugáhppálagain. Okta mearka lei dát man oinnii bohccuid njuovadettiin: Go lea boahtimin muohtahis dálvi de leat bohcco gápmasat snávgadat (njárbadat). Dán radioságastallamis lea sáhka maid das man dihte dahje man ovdasii rievssahat seivvodit sogiin, maid nástiin ja balvvain sáhttá oaidnit ja man heajos mearka lea dat go bohcco čoarvvit vilggodit. Dát radioságastallan lea gullon Sámi radios juovlamánus 1982. Uhca-Čálkku jearahallá Ovlina-Issát, Iisko Sara.

  • Vuosttas muitaleaddji lea Poles-Ovllá Risten, Kristiina Guttorm. Jagis 1996 son muittašii mánnávuođas dan makkár doaimmahus lei máná riegádahttin. Risten lei ieš ain nieiddaš go Jorddamor-Márjjá veahkehii su unna oappá Káre máilbmái. Riegádahttin dáhpáhuvai ruovttus, buot mánát jágehalle olggos dan boddii. Risten lea riegádan jagis 1920. Son bajásšattai stuorra bearrašis Buollanguoikkas Vuolle-Deanus ja jámii cuoŋománus 1997. Su jearahalai Jávrri-Juhán Niillas, Niilo Aikio.
    Nubbi muitaleaddji lea Guhtor-Niillas Juhán, Juhani Magga. Son ges muittaša ovtta skuvlamátkki jagis 1940 go sutnje riegádii unna oabbá fatnasii Avviljoga alde. Arkiivadoaimmaheaddji: Jouni Aikio.

Klipit

  • Kommemaainâs Postâ-Maartist.

Kuuntele myös

    Muualla Yle.fi:ssä