Beaivvi sagat

pe 3.3.2017

  • 2 min
  • toistaiseksi

Eanodaga badjedási 7. luohká nieiddat leat ráhkkaneame Sámi Nuoraid dáiddadáhpahussii, mii dán jagi dollojuvvo Heahtáš čuoŋománu 19. beaivve. Dáiddadáhpahusa fáddan leat dánsun ja duodji. Leagoson Ibba Lauhamaas, Inger-Anne Valkeapääs ja Maaren-Ellen Mäkitalos vuoitu mielas, go duddjojit iežas design biktasiid dáhpáhusa čájahussii jearra doaimmaheaddji Minna Näkkäläjärvi dain čeahpes nieiddain.

Lähetykset

  • pe 3.3.2017 13.55 • Yle Areena

Jaksot

  • PISA lea riikkaidgaskasaš oahppiidárvvoštallanprográmma. Dutkamušain mihtiduvvojit 15-jahkásaš nuoraid dieđut golmma jagi gaskkaid. Fáttat leat lohkandáidu, matematihkka ja luonddudiehtu. Dutkamuš dahkkojuvvo seamma vuogi mielde buot OECD-riikkain, nu maiddái Suomas, Ruoŧas, Norggas ja Ruoššas. Suopma lea válljen mihtidit dieđuid dán jagi maiddái ekonomiijadáidduin.
    PISA-dutkamuša álgogielat leat eŋgelaš- ja fránskagiella. Suomas dutkamuša sáhttá čađahit suoma- dahje ruoŧagillii. Gažaldagat eai leat jorgaluvvon ovttage sámegillii.
    Suomas dutkamuša koordinere universitehtadutki Arto Ahonen Jyväskylä universtiehtas. Son muitala, ahte skuvllat válljejuvvojit dutkamuššii soaittahagas, dássidit dihto guovlluin ollmmošlogu ektui. Son maiddái muitala, ahte PISA-dutkamuša lágideaddjit leat diehttevaččat das, ahte jus skuvlalaš lea sámegielat oahpahusas de livččii buorre jus beasašii vástidit dan gillii mainna oahpahusa lea ožžon. PISA-dutkamuššii lea goittot ásahuvvon dárkkes njuolggadusat ja sierragielat gažaldagat galget vástidit dárkket álgogiela gažaldagaid. Govva: Oahpahus- ja kulturministeriija ja Jyväskylä universitehta dieđihanmateriálas. Doaimmaheaddji: Jouni Aikio

  • Musihkárin, diktačállin ja maiddái neavttárin dovddus ohcejohkalaš Niillas Holmberg lea čálligoahtán dál maiddái filmma giehtačállosa. Holmberg oaččui ISFIs 30 000 NOK ovdánahttindoarjaga. Guldal dás makkár filmma son lea čállimen, ja mii eará sutnje gullo.
    Doaimmaheaddjin Xia Torikka.

  • Deanu guolástanlobiid vuovdin álggii ikte diibmu guđas go fanasbivdolobit bohte vuovdimassii nehttii. Lobiid máksimis ledje goit ikte iđđes hehttehusat ja disdaga eahkes lohpegávpi giddejuvvui ja dat galggašii rahpásit gaskavahkku diibmu 13:00. Lappi EJB-guovddáža guolleekonomiija áššedovdi Kare Koivisto lohká ahte olbmot leat bures ipmirdan dán ášši. Doaimmaheaddjin áššis lea Anni-Saara Paltto.

  • Janne Rautanen lea Suoma ástoáiggeguolasteddjiid guovddášorganisašuvnna guolleekonomiija áššedovdi ja son lea ieš bivdán Deanus badjel 25 jagi. Son muitalii disdaga 24.4.2018 iežaset jurdagiid earret eará lohpegávppis. Doaimmaheaddjin lea Inger-Elle Suoninen.

  • Marry Áillunieida Somby mielas daruiduhttin lea juo dagahan bahča dovdduid olbmuide. Dat jus čálliid searvvis vel sirre daid eret geat eai máhte sámegiela, bávččagahttá maiddái. Son lea Sámi girječálliid searvvi okta vuođđudeaddjiiin ja livččii doalahan ovddeš njuolggadusaid. Marry mielas sámegirjjálašvuohta lea ollu ovdánan dán rájes go sii 40 jagi dassá vuođđudedje searvvi.
    Doaimmaheaddji: Jouni Aikio

  • Sámi girječálliid searvi divodii veháš njuolggadusaid. Searvi áiggošii ain buorebut ovddidit sámegielat girjjálašvuođa. Ođđa njuolggadusaid mielde searvi dohkkeha miellahtttun dušše dakkáriid geat leat almmuihan girjjiid sámegillii. Searvvi ovdaollmoš Ingá Rávdná Eira čigle manin girječállid searvvi stivra ná evttohii. Doaimmaheaddji: Jouni Aikio

  • Čeavetjávrri skuvlalaččat ledje mielde dán jagi ođasluohkás. Ovtta radio- ja tv-jearahallamis badjeolmmoš, nuortalaččaid ovdaolmmoš ja sámediggepolitihkkár Veikko Feodoroff galggai vástidt ođasluohká gažaldagiade. Viđátluohkkalaš Markus Porsanger jearahalla.

  • Yle ođasluohkká-beaivvi 24.4. skuvlalaččaid dahkan ođđasiid, videoid ja artihkkalaliid beassá oaidnit ja lohkat ieguhtet sajiin Yle fálladagas. Juo Ylen Aamu-tv sáddii Anár skuvlaččaid ráhkadan ášši sámenuoraid dáiddadáhpáhusas. Fáskuoskal Magga ja Matti-Iisakki Musta leaba gávccátluohkkálaččat. Dá sudno vásihusat ođasluohkká-barggus ja media geavaheamis.
    Doaimmaheaddji: Jouni Aikio

  • Suáluičielgist uárnejuvvoo vyesimáánu pelimuddoost Hillclimb-moottorkiälkkákišto, mast kalga vyeijiđ kiälháin mieli pajas. Kišto uárnee Ylä-Lapin moottorikelkkailijat -servi, já Uđâsluoka kaandah Faskuoskal Magga, Pessi Koskinen ja Eliel Kalla ellii Avelist sahhiittâlmin Ylä-Lapin moottorikelkkailijat -seervi saavâjođetteijee Tero Lytz.

  • Avvila logahaga nuppi luohká oahppit vulge Romai sotnabeaivve. Sii leat bargan doppe ovtta buorredagolašvuohtaorganisašuvnna, Caritas doaibmabáikkis, gos báhtareaddjiide fállojuvvo juohke beaivve beaivemális. Doppe sii leat beassan juohkit nuvttá borramuša báhtareaddjiide ja veahkehit čorgemis, lihtiid bassamis, luniid sorteremis ja eará bargguin.

    Lifu Torikka mielas lea leamaš hui somá oaidnit Roma gávpoga, ja seammás oahppat báhtareaddjiid eallimis. Son lea maid smiehttagoahtán, ahte sáhtášii vehá boarráseabbon vuolgit gosa nu eará riikii eaktodáhtolažžan veahkehit elliid dahje olbmuid.

    Iisko Hirvasvuopio ii leat ovdal fitnan Helssega máddeleabbos. Son muitala, ahte Roomas lea liekkas ja olu maid oaidnit. Liekkasvuođa ja beaivváža son boahtá váillahit mátkki maŋŋá.
    Dasa son ii liiko, go Romas ii gávdno roavvaláibi, ja fállun lea dušše pizza ja pasta.
    Báhtareaddjit eai Hirvasvuopio fuomášumi mielde oidno nu olu Roma guovddážis, vaikko dat leatge olu. Eaktodáhtolaš bargu báhtareaddjiiguin lea Hirvasvuopio mielas áibbas somá ja das oaidná buotlágan kultuvrraid ja vieruid.

    Dán jearahallamis gulat álggus Lifu Torikka sámegielat jearahallama, ja dan maŋŋá Iisko Hirvasvuopio suomagielat jearahallama. Doaimmaheaddjin Linnea Rasmus. Govva: Ulla Keskitalo.

  • Gávcci Avvila logahaga nuppi luohká oahppi leat vuolgán Romai bargat eaktodáhtolažžan báhtareaddjiiguin. Seammás sii deivet skuvllalaččaid ustitvuođaskuvllas Palermos Sisilias. Mátki lea oassi sin oktasaš Erasmus-prošeavttas, man fáddan lea báhtareaddjit Eurohpás.

    Mátkkis vástideaddji oahpaheaddji Ulla Keskitalo muitala, ahte prošeavttain sávvet váikkuhit dasa, ahte vašši ja ballu olgoriikkalaččaid vuostá jávká. Ulla Keskitalo muitala lasi prošeavttas dán suomagielat jearahallamis. Doaimmaheaddjin Linnea Rasmus. Govva: Ulla Keskitalo.

  • Goalmmát ArcticSkills 2018 dollojuvvui Duortnosis dál gaskavahku 18.4. 2018 ja doppehan Barentsa guovllu ámmatskuvllaid nuorat gilvalit gaskaneaset sierra ámmatdáidduiguin. Eanodatláš Giehtaruohttasa nieida, Marianne Ketola Sámi Oahpahusguovddážis lei okta dain sulaid 50 nuorain ja su gilvalansuorgi lei boazodoallu. Dál gullat mot sus doppe gilvvohallamis manai. Doaimmaheaddji Minna Näkkäläjärvi

Ei tulossa olevia jaksoja

Klipit

  • Sámisostera Buorre boahtteáigi – Boazosápmelaččaid buresveadjima ja oassálastima ovddidanprošeakta ordne Searas boazosámiide lášmmohallanbottuid Heahtás ja Gárasavvonis. Saara Ketola lea daid joavkkuid movttegis jođiheaddji ja dál gullatge ahte maid jurddaheaba Heahta SBS-joavku lášmmohallit Káren-Ann Proksi ja Marja Näkkälä. Muhto álggos vehá lášmmohallat. Doaimmaheaddjin Minna Näkkäläjärvi

Kuuntele myös

    Muualla Yle.fi:ssä