Beaivvi sagat

Dávggáid vuolde, sáttaráidu sámiid historjjás, 2. oassi

  • 29 min
  • toistaiseksi

Dávggáid vuolde 2. oasis lea sáhka sámiid evákueremis čakčat 1944 ja Samii litto, Sámiid lihtu vuođđudemis. Vuorkábáttiin gullat Biret-Máreha, Maarit Vuomajoki jearahallama 1980-logus ja Johan Nuorgam jearahallama 1970-logus. Sámiid historjjá dáhpáhusaid vihkkehallá professor Veli-Pekka Lehtola. Doaimmaheaddji: Juhani Nousuniemi

Lähetykset

  • ke 22.11.2017 10.00 • Yle Areena

Jaksot

  • Suoma heargecupgilvvohallamat leat álgime, čuovvováš vahkkoloahpas vuosttáš heargecupgilvvohallamiidda áigu maid Sállevári bálgosis, Oula Sara vuolgit geahččaladdat iežas vuojániiguin. Mainna mielain dat veteránagilvvohalli áigu guhkás lullisupmii vuolgit gilvvohallat ja maid son jurddahalla heargegilvvohallamiid boahttevuođas. Doaimmaheaddjin Jaana Kynkäänniemi

  • Ohcejoga gielddaráđđehus jienastii dán vahkus das, vuosttildago vai bealuštago dat eatnama láigoheami Suttesjoga dahje Suttesádjaga guvlui čáhcebohtalastin fidnu várás. Anni Koivisto jienastii bohtalastinfidnu vuostá. Su mielas dat lei rivttes mearrádus. Doaimmaheaddjin Linnea Rasmus

  • Ohcejoga gielddaráđđehus mearridii, ahte dat ii doarjjo čáhcebohtalastinfabrihka huksema Suttesjoga dahje Suttesádjaga guvlui, baicce ávžžuha oasusfidnodatsearvvi ja Meahcciráđđehusa ráđđádallat dan huksemis eará sadjái. Dán mearrádusas jienastuvvui. Ohcejoga gielddaráđđehusa lahttu Sámmol Ánde Lukkari jienastii bohtalastinfidnu beales, dá gullat su jurdagiid gielddaráđđehusa mearrádusas. Doaimmaheaddji Linnea Rasmus

  • Sámenuoraid dáiddadáhpáhus 2018 ordnejuvvo sámekulturguovddážis Anáris. Dáhpáhus lea nu stuoris, ahte unnit visttiin dakkára ii leat dorvvolaš lágidit, muitala dáhpáhusa buvttadeaddji Aleksi Ahlakorpi Sámedikkis. Sámenuoraid dáiddadáhpáhus lágiduvvo cuoŋománu 12. beaivve (12.4.) Jagi 2018 dáiddadáhpáhusa teman lea ”Iežas jietna” ja dáhpáhusa fáttát leat musihkka ja tubben dahjege YouTube-videoid govven. Dujiid almmuhanáigi nohká njukčamánu 25. beaivve (25.3.) Doaimmaheaddji: Jouni Aikio

  • Avvila logaha nuppi jagi oahppit dánso boarrásiid dánssaid, ikte, 15. beaivve guovvamánu. Báikki alde lei olu olmmoš ja nuorat ledjege vehá gealdagasas. Ida Grønmo lei goittotge ilus go beasai dánsut. Tomi Ahonen fas dánssui juo nuppi geardde, muhto son lea nu liikon dánsumii ahte sáhtašii dánsut vel goalmmát geardde.
    Ášši doaimmahii Xia Torikka.

  • Tromssa Universiteahta lektor Kristina Labba lea nákkahallan fáttas "Boazodoalu siskkaldas orgániseren" váldofáttan Ruoŧa boazodoalloláhka. Lassin son lea maid guorahallan nákkosgirjjis Norgga boazodollolága ja siida systema. Doaimmaheaddji Kjell Marainen

  • Suoma stáhta ja sápmelaččaid duohtavuohta ja soabadanproseassa lea jođus ja dán birra hupme Suoma riikaviidosaš sáddagis A-studios gaskavahku (14.2.2018) ovttas Sámedikki sátnejođiheaddji Tiina Sanila-Aikioin ja Helssega Universiteahta máilmmepolitihka professor Teivo Teivainen. Dál gullat makkár dovdduiguin sátnejođiheaddji Tiina Sanila-Aikio lei mielde A-studio sáddagis ja maid son jurddahalla jođus leahkki duohtavuođa ja soabadanproseassa birra. Doaimmaheaddji Linnea Rasmus

  • Álbmotlihttu lea álmmustahttán davvisámegillii nuoraid várás seksualarávavideo. Jurddan lea čálmmustahttit, ahte seksualadágut dárbbašit álo guktuid miehtama ja ahte seksuáladáguide ii leat bággu miehtat, jus ii hálit. Dá gullat go Álbmotlihtu nuoraidbargi Sari Hälinen muitala, mo hutke dákkár video ráhkadit ja jorgalahtit, ja de gullat vel eadni, Saara Proksi jurdagiid das, makkár video dat lea. Doaimmaheaddjin Linnea Rasmus ja Minna Näkkäläjärvi

  • Girječálli Inger-Mari Aikio, Ima, lea čállán ođđa diktagirjji, mii lea ollesolbmuide dárkkuhuvvon. Dat divttat leat erenomážat earet eará danin, go dat leat vuosttas sámegielat erohtalaš divttat.
    Girji galggašii almmustuvvat loahppajagis, jus buot manná bures.
    Doaimmaheaddjin Xia Torikka.

  • Siv Káre Holm ja Tuija Guttorm leaba álggahan vlogga ráhkadeami. Sutno Vai maid -nammasaš vlog gieđahallá sámiid áššiid sámegillii. Nissonguoktá muitaleaba ahte dainna soai háliideaba čájehit albma eallima, eabage hálit bargat oarjemáilmmi láhkai.
    Doaimmaheaddjin Xia Torikka.

  • Otne (14.2.2018) ságastallet eamiálbmotrivttiin Lappi universitehta Arktalaš guovddážis, go doppe ordnejuvvo dakkár fidnu loahppaseminára, mas leat čielggadan, mo Kárášjogas , Anáris ja ovtta gilážis Ruonaeatnamis báikkálaš olbmuid ja eamiálbmogiid rievttit ollašuvvet. Doppe lea maiddái Kárášjoga gieldda várresátnejođiheaddji John Nystad hállamin daid dáistalemiin, maid son lea politihkalaččat vásihan vihtta maŋimuš jagi. Doaimmaheaddji Minna Näkkäläjärvi.

  • Sámedikki nuoraidráđi ođđa ságadoalli Risten Mustonen lea illuda bargat ságadoallin. Nuoraidráđi bargun lea fuolahit ahte Suoma beale sámenuoraid jietna gullo Sámedikkis, muhto maiddái stáhtadásis ja davviriikalaš ovttasbarggus. Muhto mat leat nuoraidráđi gávcci váldoulbmila dán badjái, mii aiddo álggii? Makkár áššiid Mustonen háliida deattuhit? Makkár plánat nuoraidráđis leat? Guldal.
    Doaimmaheaddjin Xia Torikka.

Ei tulossa olevia jaksoja

Klipit

  • Sámisostera Buorre boahtteáigi – Boazosápmelaččaid buresveadjima ja oassálastima ovddidanprošeakta ordne Searas boazosámiide lášmmohallanbottuid Heahtás ja Gárasavvonis. Saara Ketola lea daid joavkkuid movttegis jođiheaddji ja dál gullatge ahte maid jurddaheaba Heahta SBS-joavku lášmmohallit Káren-Ann Proksi ja Marja Näkkälä. Muhto álggos vehá lášmmohallat. Doaimmaheaddjin Minna Näkkäläjärvi

Kuuntele myös

    Muualla Yle.fi:ssä