Yle Sámi iđit - iiđeed - tue'les

Yle Sámi Radio - Yle Areena 30 pv

Yle Sámi iđitsátta golmma sámegillii.
Yle Säämi iiđeedvuolgâttâs kuulmâ sämikielân.
Yle Sääʹm tueʹlesvuõlttõs kolmm sääʹmǩiõʹlle.

Jaksot

  • Turistabáhppa deaivada olbmuiguin mátkkoštanguovddážiin ja doallá ollu meassuid olgun. Duottar-Sámi turistabáhpa barggus muitala Anu Toivonen. Reporterin Kaija Länsman. Sámedikki válggaid evttohasat ja juohkáseapmi gielddaid meilde. Soađegilis goittot besset golbma ođđa áirasa Sámediggái. Studios Jouni Aikio ja Anneli Lappalainen.

  • Ohcejoga, Kárášjoga ja Porsáŋggu oktasaš girjebusse (govas maid dan vuoddji Elle-Ovllá Toivo) lea vuodján sullii 30 jagi. Dál dát lea ruvtto geažis go Norggas geahpedit stáhta doarjaga dasa. Girjebusses Gáregasnjárggas bargi Soile Kokkonen ja geavaheaddjit Irma Rouhiainen-Marila ja Martti Marila dáhkidit ahte girjebusse lea dehalaš bálvalus. Anáris girjebusse Fáárust joatká hurgguheami, Anne-Marja Kuuva Nellimis lea oalle duđavaš girjeluoikkaheaddji. Anár gieldda girjerádjodoaimma hoavda Eija Leivo muitala girjebusse fálaldagain ja plánain. Reporterat Tapani Leisti ja Anja Kaarret, studios Jouni Aikio.

  • Sámegiela didaktihkas magisttardutkamuš. Sártnodeapmi ja sámástangoahti leat su čovdosat mo lasihit sámegiela geavaheami vierisgiela oahpahusas, dadjá Ellen Ravna (govas ovttas bagadalliinnisguin Sámi allaskuvllas, govven Aslak Pieski). Sámegielagat geavahit unnán dulkkaid sosiála- ja dearvvasvuođabálvalusain, ja dat lea áddehahtti, dadjá rabasbálvasusa hoavda Mirja Laiti Anári gielddas. Reporterat Outi Paadar ja Maiju Saijets, studios Jouni Aikio.

  • Miestyö Lapissa geahččala viiddidit doaimmas maiddái sámeguvlui, muitala Jari Harju, Lapin ensi- ja turvakoti ry:s. Rihkkosa oaffáriidda leamaš fállun sámegielat veahkkige, dál livččii ođđa eaktodáhtolaččaide dárbu, dadjá Katja Huotari davimus rihkusoaffárgohcinbáikkis (Ylä-Lapin palvelupiste). Reporer Maiju Saijets, studios Jouni Aikio.

  • Tuuli Miettunen (govas) bargá dál njeallje mánu Suoma sámegielddaid oktasaš giellastrategiijain. Ollu leat oktasaš čovdosat muhto maiddái oktasaš fuolat gielddain. Sámi musihkkaakademiija solistalinjá doalai juo vuostttas konsearttaid, barohkkaáigásaš čuojanasaiguin. Oahpaheaddji Anna Näkkäläjärvi-Länsman ja solistaoahppit Laura Tapiola ja Heli Aikio čilgejit mo oahput leat álgán. Reporter Kaija Länsman, studios Jouni Aikio.

  • Válgavideoráiddu buvttadeaddji Xia Torikka muitala mo lei ráhkadit nuoramus jienasteaddjiide heivvolaš válgavideoi ja leigo evttohasaid álki fidnet fárrui. Pikku Kulkuri neavttár Ilpo Mikkonen muitala suomagielat dohkkáteáhterčájálmasas "Nigán 8 vuodenaikaa". Reportárin Anja Kaarret ja Erkki Gauriloff. Studiolágideaddjin Outi Paadar

  • Musihkkárat Marko Jouste ja Anna Näkkäläjärvi-Länsman muitaleaba barohkka ja sámebarohkka erohusa. Gullat vehá makkár dat musihka lea muhto jearrat vuos Joustees manin barohkkamusihkka? Njellim guovllus Čarmjávrris lei gaskavahko olgodáhpáhus Darja bartta luhtte, man Siida musea lei ordnen. Põrtt, äiʹtt da pu´vrr – nuortasápmelaččaid huksenárbevieru prošeavtta birra muitala arkeologa Päivä Magga ja restaurerenmeašttir Marko Korkeasalo rávve ja bagada maid galggašii bargat. Reportárin Anja Kaarret ja Erkki Gauriloff. Studiolágideaddjin Outi Paadar

  • Boastta streaikkas ii leat váikkuhus sámediggeválggaid doaimmaheapmái, Norgga kruvnnuin 50 kr ja 500 kr boarásmuvvet golggotmánus, Niillas Holmberg girji Juolgevuođđu nappo Jalkapohja lea almmuhuvvon suomagillii, Eurovišuvnna lávlungilvvut lágiduvvo giđđat 2020 Rotterdam gávpogis, sveitsalaš Rene Gardin mátkemuitalus Deanuleagis, Puoris Päivä -girjii almmuhuvvon suomagillii. Milja Guttorm lea bargan badjelaš jagi gávpotsámi leanadáiddarin. Mo dat lea leamaš ja makkár boahttevuođa prošeavttat leat boahtemin? Studiolágideaddjin Outi Paadar

  • Ándde-Per Valle duddjo leŋggiid ja fitnodateaiggát Uule-Niiles Sara dárbbaša leŋggiid (leaŋggaid). Sámedikki válgalávdegotti ságadoalli Janne Näkkäläjärvi muitala jienastanreiviid sáddemis ja váikkuhago streaika válgii. Reportárin Jovnna Aikio ja Erkki Gauriloff. Studiolágideaddjin Outi Paadar

  • Earkebisma Tapio Luoma illuda davvisámegielat ođđa biibbala jorgalusas. Nuorat Mihkku Laiti, Elle Raudasoja ja Senja Aikio oaivvildedje, ahte ođđa jorgalus lei áddehahtti. Ievttá beaivi lei sidjiidege earenomáš go besse girkus lohkat čalabihttáid. Árbevirolaš Vuonnamárkanat ordnejuvvojedje lávvardaga Vuonnabađas. Nils-Heaika ja Helena Valkeapää Heahtás eaba lean ovdal fitnan Vuonnamárkaniin. Helena Valkeapää vulggii ohcat alcces ođđa silkki, muhto ostiige sistelávkka. Kati Ljetoff, Terhi Harju ja Hanna-Maaria Kiprianoff ledje nissoniid reaissus. Kolumnaráiddu vuosttas oassi, Mikkel Näkkäläjärvi. Bohtet Yle Areenai namain Yle Sámi kolumnat - Yle Säämi kolumneh - Yle Sääʹmm koluumn - Yle Sápmin kolumnit. Reportárin Kaija Länsman. Studiolágideaddjin Outi Paadar

  • Ohcejoga Máttajávrri gáttis, Heargevári vilttiin ja Vuolle-Seavttetjoga rođus ráhkkanit sotnabeavve ávvudoaluide. Suoma girku váldá atnui davvisámegielat biibbaljorgalusa ja girkostohposearvi čorge vel kulturárbebálgá, Ulriika-bálgá mii sivdniduvvo geavahussii 1.9. Dain muitlaeaba Vuokko Hirvonen ja Päivi Aikasalo. Oulus fas eanangottemusea burgá ja vurke sámečájáhusa, dat lea iežas áiggi leamaš doppe oidnosis, muitala museadutki Riina Kohonen. Reporterat Outi Paadara ja Risto Degerman. Studios Jouni Aikio.

  • Anáris ollašuhttet vázzinbálgá man váccedettiiin oahppá anárašgiela sániid, dán doaimmas muitala Marja-Liiisa Olthuis. Mánáidgárdebargi Minna Lampinen vuordá juo ahte beassá doalvut mánáid dán bálga ala. Gáregasnjárggas, Njuorggámis ja Ohcejotnjálmmis kulturbirrasat oidnosii -proeavttain čorgejit gilibirrasiid. Bargguid gaskkas ságastallet prošeaktajođiheaddji Aini Lehtonen (govas) ja eaktodáhtolaččat Tapio Guttorm ja Minna Saastamoinen. Reporterat Anja Kaarret ja Kaisa Aikio, studios Jouni Aikio.

Kuuntele myös

    Muualla Yle.fi:ssä