Buorre idit Sápmi

Buorre idit Sapmi

  • 60 min
  • ei kuunneltavissa

Lähetykset

  • pe 9.11.2018 9.00 • Yle Sámi Radio

Jaksot

  • Buorre iđit Sápmi.

  • Mo doaibmá buohccedikšunapplikašuvdna, das ságastallet Anni Backman ja Mariann Lörstrand. Ođđa girjjis Áhčigiella muitala Nils Henrik Sikku. Digitála- ja neahttasátnegirjjiid leat dán áigge olbmot hárjánan geavahit, muhto gal sátnegirjái bearpmaid gaskkas lea dárbu, Hannu Kangasniemi ja Pekka Sammallahti jearahallamat. Miellenjuikejeaddji Ole Máhtte Nedrejord muitala mo bártidii hárjehusain. Sáhka maid Miss universum gilvvuin, Susanne Næss Guttorm mannamin Bangkokii. Loahpas lea sáhka duoji ja lihkadeami oktavuođas, ee. Gunvor Guttorm jearahallan. Studios Jaana Kynkäänniemi, Kjell Marainen ja Jouni Aikio.

  • Sáhka Sámi čáppagirjjálašvuođa dilis ja dan nannemis sihke girjjálašvuođa feasttas ja lávdeságastallamiiin: David Kroik, Anne Wuolab ja Rauni Magga Lukkari. Marikaisa Laiti (govas) doavtterdutkkus Sápmelaš árrrabajásgeassima ollašuvvamis Suomas dárkkistuvvo odne. Luitet luođi luovus ávžžuha Juoigiid searvi, odne luohti lea ollu ovdan Romssa guovllus nu skuvllain go mánáidgárddiinge, muitala Biret Ristin Sara. Nilut cup lágiduvvo dál maŋimuš geardde, doaluin muitala Janne Eilen Mienna Guttorm. Norggas oahppogirjjit nannejit ovdagáttuid boazodoalus, gullat Henrik Gaup vásáhusa áššis. Studios Merethe Kuhmunen, Jouni Aikio ja Thoralf Balto.

  • Sámediggi ávvuda Skáiddis, Ingrid Inga leamaš máŋgga doaimmas dan olis. Teknihka doavtttr Jan Saijets čilge mo doaibmá gps-systema ja mo dan sáhhttá hehttet, soahtehárjehusa áigge váikkuhus oidnui maid boazodoalus gevahuvvon gps-rustetgiin, muitala Tarmo Lietoff. Njuorjjonáhkit duodjeávnnasin ja márkaniin Davvesiiddas, duojár Anna Stina Svakko muitala. Reportet fitná joatkkaskuvllas gullamin maid nuorat jurddašit gárrenmirkkuid geavaheamis, vástideaddjin Siril Balto, Kai Espen Balto ja Thea Aslaksen.
    Studios Merethe Kuhmunen, Jouni Aikio ja Thoralf Balto.

  • Olavi Korhonen váillaha sámeárkiiva Ruoŧas, Ingrid Inga dávista. Joddu-prošeavtta olis ordnjit Deanu bivdokonfereanssa, dutki Solveig Joks logaldallamin. Mieladearavvasvuohta čalmmustahttojuvvo dán vahku, studioguossin čuoigi Aslak Ole Eira. Anáraš giella- ja girjjálašvuođabeaivvit Oulus, dain muitala Marja-Liisa Olthuis. Oahpaheaddjioahpuid plánemis ges muitala oahpaheadji Tomi Guttorm. Norgga girjjálašvuođasearvvi 125-jagi ávvudemiin sáhka sámegirjjálašvuođas, das muitala Sigbjørn Skåden. Studios Merethe Kuhmunen, Anja Kaarret ja Thoralf Balto.

  • Sámedikki dievasčoahkkin ja 25-jagi ávvudeapmi dán vahkus Gåbddesavvunis, Lars Miguel Utsi muitala. Girjjálašvuođadoalus Feel Good Upmis, Anne Wuolab jođus dohko. Sápmi vuittii Kyprosa ustitvuođagilvvus, spábbačiekči Márjá Sofe Holmestrand buriin mielain. Earálagan oahpásmuvvanvahkku, skuvlavázzi Ibba Lauhamaa beasai oaidnit ministeriijaid ja riikkabeivviid barggu Helssegis. Ođđa davvisámegielat biibbaljorgalus lea dál dan muddui dohkkehuvovn ahte váldojuvvo dađistaga atnui, muitala Suoma girku alimus čoahkkima sápmelaš áirras Ulla Magga. Studios Karen Eira, Jouni Aikio ja Thoralf Balto.

  • Sámi nissonspábbačiekčit Kyprosis, Karen Eira raporta. Jagi 2018 nuorra boanda Markus Heiberg Oslos. SámeLAN -speallodoalut ja gilvvut Guovdageainnus, Aslak Anders Gaino muitala dain. Niehkun beassat borjjastit iežas ráhkadan fatnasiin mearaid ala, muitala Teppo Tähkäpää. Sámi lea stuorra beroštupmi filbmabargui, dat oidno nu daddjon casten-dilálašvuođain go ohcet animašuvdnii jiena, dás muitala prošeaktajođiheaddji Sunna Nousuniemi. Muitte mu -ráidu álgá fas tv:s, das muitala Wenche Marie Hætta.
    Studios Ánne-Rávná Allas, Jouni Aikio ja Jaana Kynkäänniemi.

  • Ealliidsuodjalansearvvi govat čájehit Britiannias, mo bohccot gillájit, Nils Johan Utsi atná surgadin. Sámenuorat juogadit dieđu sápmelaččain ja sin kultuvrras váldoálbmoga nuoraide, Suomas dán várás lea Dihtosis-proeakta, Minna Lehtola muitala. Speallobeaivvit Guovdageannus, Inga Renate Buljo veahkkálagaid nuoraiguin ordne. Sámedikki diehtojuohkimis lea ain buoridanmunni. Pentti Pieski ja Tiina Sanila-Aikio oaivilat. Marketta Vuolab, Sara Keränen ja Marko Tervaniemi muitalit makkár dieđuid sii ohcalit Sámedikkis. Sáhka maiddái Lisa Marie Krsitensen káffebottuin. Studios Ánne-Rávna Allas, Jouni Aikio ja Jaana Kynkäänniemi.

  • Sámi nissonjoavku čiekčá fas. Eai leat guhkes áigái deaivvadan, muitala Márjá Sofe Holmestrand Hætta. Boazobárttit toga- ja biilajohtolagas, Stig Martin Persson, Anders Moritz ja studiolágideaddjit ságastallet áššis. Bargiidbellodat duhtameahttun Deanu soahpamušain, Steinar Pedersen dadjá ahte dáhttot ođđasit gieđahallat. Susanne Vars Buljo muitala manin son lohkagođii lága. Ođđa mohtorgielkkáin leat buorit ja heajut bealit ovddežiid ektui, gielkágávppašeaddji Tero Nousuniemi (govas) ja boazodoallit Esko Ahola sihke Niila Laiti márkaniin Roavvenjárggas. Skábmavuojadeamit Kárášjogas. Studios Jaana Kynkäänniemi, Kjell Marainen ja Jouni Aikio.

Kuuntele myös

    Muualla Yle.fi:ssä