Yle Sámi iđit - iiđeed - tue'les

pe 11.1.2019

  • 27 min
  • ei kuunneltavissa

Lähetykset

  • pe 11.1.2019 7.33 • Yle Sámi Radio

Jaksot

  • Yle Sámi iđit - iiđeed - tue'les.

    Ikte mánnodaga lei giđa studeantaiskosiin vuorus sámegiella eatnigiellan iskkus. Iskosa váldotemán lei siviilaaktivisma. Sámegiela lektor Marjaana Aikio Avvila logahagas suoskkadallá makkár iskkus lei sámegiela lektora čálmmiin. Ohcejohkalaš Pedar Järvensivu lei duđavaš iskosa maŋŋá ja jáhkká das leat ávki maŋŋelis su eallimis. Teija Linnanmäki oahpaha anárašgiela Avvila logahagas sihke eatnigiellan ja vierisgiellan.

  • Yle Sámi iđit - iiđeed - tue'les.

    Márjjábeivviid Máttut-konsearttas Heahtás lei erenoamáš liiba beassat gullat dološ luđiid Jávrrešduoddara guovllus.Musihkkár Anna Näkkäläjärvi-Länsman lea okta dain, guhte lei plánen Máttut-konseartta ja čohkken dohko juoigiid geain leat Jávrrešduoddaris máttut ja geat ain hálddašit dan guovllu luohteárbevieru. Son muitala makkár guovllus ja makkár árbevierus lea sáhka.

    Eila-Marja Labba, Giehtagierragis eret, lei boahtán Márjjábeivviide gitta Haaparanddas. Son liikui sakka Máttut-konseartta Jávrresduoddara luđiin.

    Heahtá Márjjábeivviin gilvaledje sihke árbevirolaš njoarosteames ja Gollegiehta-gilvvus lihkadeaddji stoalppuide. Elen-Anne Sara Sállevári bálgosis vuittii guktuid gilvvuid. Gollegiehta-gilvvu dievdduid luohká vuittii mázelaš Johan Ivvár Gaup Válgenjárgga orohagas.

    Heargegilvvuin gilvalit das geas lea falimus heargi, muhto jođánis heargi ii leat doarvái, dárbbašuvvo maiddái buorre vuoddji. Hearge-eaiggáda mielas vuoddjis lea issoras stuorra mearkkašupmi das mo gilvvuin birge. Kaija Länsman láidesta heargegilvomáilbmái ja eandaliige vuoddji Uula-Petteri Somby gilvobeaivái.

  • Dutkamušprofessor Rauna Kuokkanen lea čállán ođđa girjji - Restructuring Relations (Ođasmahttit gaskavuođaid). Dat lea veardádalli dutkamuš masa son lea jearahallan olbmuid Sámis, Ruonáeatnamis ja Kanadas. Olmmošlaš iešmearrideapmi ii leat dušše riekti, dat lea maid vuođđoárvu, dadjá Jovnna-Jon-Ánne-Kirstte Rávdná. Johtti Sápmelaččat -searvi álggahuvvui 50 jagi dassá Eanoadagas duohta dárbui, searvvi álgoáiggiin ja historjjás muitala Nils-Henrik Valkeapää.
    Reporterin Ánne-Sárá Paltto. Studios Jouni Aikio.

  • Yle Sámi iđit - iiđeed - tue'les.

    Ándde Jon Piera, Piera Guttorm muitala basiid ja giđđajorggáldaga birra, sámi boarrásiiddikšu sirdo eanet ah eanet čoahkkebáikkiide ja vánhen Suvi King Anára skuvladili birra.

  • Yle Sámi iđit - iiđeed - tue'les.

    Bargovuoigatvuođaid emeritus professor Seppo Koskisa oaidnu guohpaskuvllaid birra. Gullat maid Ohcejoga gieldda skuvllaid huksenplánaid birra, go ođđa Ohcejohnjálmmi skuvlla tevnnegat leat gárvá ja fálaldatgilvu jođus. Studios Outi Paadar

  • Yle Sámi iđit - iiđeed - tue'les.

    Boarrásiiddikšu buorre Ohcejogas ja Soađegilis váilot bargit boarrašiiddivššus. Studios Outi Paadar

  • Yle Sámi iđit - iiđeed - tue'les.

    Ođđa Mumenleahki-prográmma dahkkojuvvo maiddái sámegillii, maid lea mihttomearrin almmustahttit prográmma Yle Areenas jagi 2019 áigge ja Kerttu Vuolab muitala jurdagiid dáiddárealáhaga birra. Studios Outi Paadar

  • Ohcejohnjálmmi gilidállu Giisá lea doaibman 20 jagi erenoamážit dan kafea lea šaddan čoahkkananbáikin ja gili váibmun. Minna Saastamoinen ja Vuokko Hirvonen muitaleaba gilisearvvi ja gilidálu historjjás ja eaktodáhtolaš doaimmain. Ná manai guolástulága nuppástus riikkabeivviin ja ná ná nuppástus oidno boahtte geasi bivddus, das muitala Teppo Säkkinen eana- ja meahccedoalloministeriijas. Reporterat Outi Paadar ja Gabriela Satokangas. Studios Jouni Aikio.

  • Yle Areena lea almmuhan duorastaga 14.3. videoid buot 12 válgabires. Dain olbmot leat bovden riikkabeaiválgga evttohasaid ruoktot ságastallat mannu jienasteaddjiide dehalaš fáttas. Okta dákkár filbma lea govvejuvnon Saveli Näkkäläjärvi ruovttus Jokelas lahka Helssega. Válgasoffa buvttadeaddji Sinikka Tuomi muitala válgasoffa jurdagis. Heli Aikio vuolgá nuppádassii Sámi Grand Prix -gilvui, dál Lyemeákku livđiin. Studios Jouni Aikio.

  • Geassebarggu lea buorre ohcat áiggil, dalán ođđajagis. Ollu geassebargosajit leat goittot ohcanlahkai ain njukčamánusge. Oahppobagadalli Heikki Hirvonen rávve skuvlalaččaid. Logahaga 2. luohká oahppi Sáárá-Káisá Seurujärvi (govas) ozai máŋgga sadjái. Gullat maid Ohcejoga gieldda ealáhusdoaimmas go dat lea čielggadeamen olbmuid oaiviliid das gosa turisma heive ja gosa fas ii, das muitala gieldda ealáhus- ja ovddidanhoavda Eeva-Maarit Aikio. Reporterat Xia Torikka ja Outi Paadar. Studios Jouni Aikio.

  • Lappi Universitehta rihkusrievtti professor Minna Kimpimäki ja Helssega universitehta stáhtavuogádaga professor Tuomas Ojanen vihkkehallaba ohcejohkalaš bivdiid diggeášši ja gearretarievtti čovdosa ja atniba Lappi gearretrievtti guollebivdoduomu mearkkašahttin. Ohcejoga gildii gártá ain duođas ohcat oahpaheaddjiiid, ohcciid sii sávašedje eanet, muitala čuvgehusdoaimma hoavda Laura Arola. Studios Jouni Aikio ja Outi Paadar.

  • Suoma hearge-cup goalmmát oassegilvu lei vahkuloahpas Soađegili Luostos. Spiella, Severi ja Annin Suivakko ledje golbma buoremusa go guovtte vuoju áiggit lohkkojuvvojedje oktii. Vuoddji Uula Petteri Somby, heargeeaiggát Tomi Vartiainen ja heargeáššedovdit Juha Mikkola ja Oula Sara doaimmaheaddji ságain. Reporter Kaija Länsman. Áitatvuloš duoddarloddešlájaid dilis ges muitala bajit dárkkisteaddji Tuomo Ollila. Studios Jouni Aikio

Kuuntele myös

    Muualla Yle.fi:ssä