Yle Sámi iđit - iiđeed - tue'les

Yle Sami idit - iideed - tue'les

  • 27 min
  • ei kuunneltavissa

Lähetykset

  • ma 11.2.2019 7.33 • Yle Sámi Radio

Jaksot

  • Yle Sámi iđit - iiđeed - tue'les.

    Heargegilvvuthan álget Suomas dán vahkuloahpas. Vuosttas gilvvut leat Roavenjárggas. Njuorggánlaš Ándde-Niillas Länsman sádde Roavenjárgga gilvvuide máŋga hearggi ja seammás dápmá ođđa herggiid.

    Gii muitá dakkár hearggi go Eurokas? Dat lei das hearvás heargi, ahte eaiggát oinnii ruohtadettiin jo vuoitágo dat vai ii, dan son oinnii dettiigo heargi olgeš beallji vulos vai ii. Eero Länsman rahkkana vuolgit vuosttas gilvvuide guđain herggiin ja sávvá Roavenjárgii geardnesiivvu vai herggiide lea buorre ruohttat ja sabet johttá.

    Lágideaddji: Anneli Lappalainen

    Yle Sámi iđitsátta golmma sámegillii.
    Yle Säämi iiđeedvuolgâttâs kuulmâ sämikielân.
    Yle Sääʹm tueʹlesvuõlttõs kolmm sääʹmǩiõʹlle.

  • Sámedikki čállingotti virgegažaldagain lea dál sáhka. Sámedikki dievasčoahkkin válljii láhkačálli ja vuođđudii riikkaidgaskasaš áššiid čálli, ealáhusčálli ja dieđiheaddji dahje gulahallančálli virggiid. Tuomas Aslak Juuso mielas dieđiheaddji sáhtášii válljet ain ovtta válgaáigodahkii. Anu Avaskari mielas riikkaidgaskasaš áššiid čálli ollislasvuođa galggašii dárkkistit. Studios lea hálddahushoavda Pia Ruotsala-Kangasniemi (govas) čilgemin dan mo čállingoddi doaibmá. Studios Outi Paadar.

  • Ovttastuvvan Našuvnnaid ávžžuhusaid váldin Sámedikki dievasčoahkkima áššelistui ii lihkostuvvan go buohkat eai dohkkehan lassiášši. Sámedikki áirasiid Anne Nuorgam, Anu Avaskari ja Tiina Sanila-Aikio oaivilat áššis. Reporter Kaisa Aiko. Studios Outi Paadar.

  • Eanangoddeláva hábmemis ledje mannan vahkus álbmotdilálašvuođat Ohcejogas, Soađegilis ja Anáris. Mo stuorra lávvaproseassa ovdána ja geat dan dahket, dasa vástida plánenhoavda Riitta Lönnström Lappi lihtus. Gullat makkár áššiide gieldapoltihkkárat Anni Ahlakorpi ja Mika Aikio Ohcejogas giddeba fuopmášumi eanageavahanplánain. Sámedikki ságadoalli Tiina Sanila-Aikio ávžžuha olbmuid cealkit oaiviliiddeaset plánenprosessa áigge dalle go lea cealkinági. Reporter Kaija Länsman. Studios Outu Paadar.

  • Yle Sámi iđit - iiđeed - tue'les.

    Yle Sámi iđitsátta golmma sámegillii.
    Yle Säämi iiđeedvuolgâttâs kuulmâ sämikielân.
    Yle Sääʹm tueʹlesvuõlttõs kolmm sääʹmǩiõʹlle.

  • Yle Sámi iđit - iiđeed - tue'les.

    Geasset 2017 vihtta olbmo rihkko proteastan Suoma guolástannjuolggadusaid. Duorastaga 14.2. gearregaste Ohcejogas. Dán sáddagid gullat áššáskuhtton Heidi Eriksen, Kati Eriksen ja Esko Aikio. Gullat maiddái alaguoddi Anita Haapakoski ja ášševuoddji Markku Fredman.

    Duorastaga 14.2. dánso Avvila logahaga boarrásat. Hilla Portti lei okta guhte dánssui, ja dá gullatge su ja su áhkuid Birit-Kirsti Länsman ja Saara Portti jurdagiid, nugo maiddái Sáárákáisa Seurujärvi ja su eadni Miina Seurujärvi jurdagiid boarrásiid dánssain.

  • Odne álget gearergat Ohcejogas. Doppe sivahuvvojit njealjis lobihis bivddus Veahčajogas ja okta bivdi fas guolástanrihkkumušas Ohcejogas. Láhkačeahppi Piia Nuorgam čilge makkár ulbmil dáin gearregiin lea, son dovdá ášši ja lea ovtta áššáskuhtton olbmo oabbá. Gullat maid mo Anne Nuorgam ja Esko Aikio leaba árat radios čilgen iežaska lobihuššama ákkaid. Oailil lea loktet sápmelaččain bivdorivttiid Deanu oalgejogain oidnosii ja viidát riektegieđahallamii. Studios Outi Paadar.

  • Yle Sámi iđit - iiđeed - tue'les.

    Priváhtavuvddiid čuohppan ja muorragávppit. Sáddagis Anára Bátneduoddara bálgosa boazoisit Jarmo Haataja, Stora Enso vásttolašvuođa hoavda Pekka Kallio-Mannila ja Davvi-Lappi vuovdedikšunovttastusa doaimmajođiheaddji Annakaisa Heikkonen.

  • Jiekŋameara ruovderaŧi čielggadeami boađus lea dál almmuhuvvon. Ášši gohcima ii sáhte iige gánnet goittot heaitit, oaivvilda Suoma Sámi Nuorat -searvvi ovdaolmmoš Petra Laiti. Eanangoddehoavda Mika Riipi gulai bargojoavkui mii čielggadii nu daddjon JIekŋameara ruovderaŧi linjema ja gánnehahttivuođa. Son ii oba vuordánge earalagan bohtosa dán čielggadeamis. Bargojoavku gávnnahii ahte dál ruovdegeainnu huksen ii leat gánnehahtti, dan plánema joatkimii eai leat doarvái buorit ákkat. Studios Jouni Aikio ja Outi Paadar.

  • Raporta Anár girkosidda skuvlla ortnegis dan čájeha: oahppamii dárbbašuvvojit dearvvas lanjat. Vánhemat Áile Aikio ja Inker-Anni Linkola-Aikio, guhte lea vánhensearvvi ságajođiheaddji, sávvaba Anár gielddas jođánis doaimmaid ja dohkálaš čovdosiid. Gielddahoavda Toni K. Laine almmuha, ahte son lea álggahan avirgeválmmaštallama ođđa skuvlavistti čielggadeamis. Reporter Sara Wesslin, studios Jouni Aikio.

  • Spábbadoaškunsánit sámegillii ja sáhka maiddái das man bivnnut spábbadoaškunspeallu lea eandalii nuorra nieiddaid gaskkas. Spábbadoaškunlihtu Davvi-Suoma guovluhoavda Harri Paadar (govas) lea iešge speallan nuorabun Ohcejogas. Eanodagas gieldda kulturdoaibma juogadii givnniid dievva girjjiid. Sii hástalit obmuid geavahit girjeráju, muitala gieldda kultur- ja gulahallankoordináhtor Heli Nurmi. Reporter Kaija Länsman deaivvada maid girjeráju gussiiguin, Anja Vieltojärvi, Mihku Näkkäläjärvi ja Helena Valkeapää. Sámi radio álggaha bearjadagaid diibmu 16 giellapod, ságastallamiid guldaleadjiiguin ja áššedovdiiguin sámegielas, muitala Karen Eira. Studios Jouni Aikio.

Kuuntele myös

    Muualla Yle.fi:ssä