Buorre idit Sápmi

Buorre idit Sapmi

  • 60 min
  • ei kuunneltavissa

Lähetykset

  • ti 15.10.2019 9.00 • Yle Sámi Radio

Jaksot

  • ON álgoálbmotgielaid jagi temas hállá dál Britt Inger Tuorda. Kárášjoga eatnamiid hálddašeamis álgovuoitu kárášjohkalaččaide. Kommenttat: Svein Atle Somby, Nils Thomas Utsi, Thoralf Henriksen, Jan Olli, Jon Gauslaa ja Aili Keskitalo. Áššedovdin Davvi universitehta juridihkalaš ossodaga vuosttas amanuensa Ande Somby. Girdimátkálaččat geahppánan Staares, Peter Fahlen jearahallan. Anáris skuvlaluohkát fárren fas, dál ođđa vistái: oahpaheaddji Inker-Ánne Magga, skuvlalaččat Jasmiina Kangasniemi, Mubemihkkal Juntunen ja Nuppu-Maaria Näkkäläjärvi sihke rektor Marja Seilonen. Loahpas raporta dálkkádatčoahkkimis Madridis. Studios Karen Eira, Jouni Aikio ja Jaana Kynkäänniemi.

  • Eamiálbmogiid máhttu eananboaldimis ja luonddu várjaleamis dálkkádatnuppástusas. Bhi Amie Williamson ja Jenni Laiti jearahallamat (govva: sámit Madridis / Indigenous Climate Action). Sámegiella galgga oidnot ja gullot árgabeaivivis, dadjá ubmisámegielat Sara Helen Persson. John Johnsen Boine lea oahpahallan rávisin sámegillii čállit, ja čállá maiddái sosiála medias. Sáhka boazobargiid dearvvasvuođas ja energiiageavaheamis, gárddástalamin Anni Magga-Eira. Dálkkádatčoahkkimiin Madridis Greta Thunberg ja Ingá Ánne Káren Sara. Sámediggi juolluda lassioahpuide stipeanddaid, Mikkel Eskil Mikkelsen. Studios Kjell Marainen, Jouni Aikio ja Thoralf Balto.

  • Lohpi ođđa bieggamillui, Henrik Andersson kommeanta. Suoma stivrejit dál nuorra nissonpolitihkárat, mo lea lea ráđđehus sámiid ektui, Tiina Sanila-Aikio. Árbevirolaš máhttu dálkkádaatkonfereanssas, Máret Rávdná Buljo. Per Jonas Parfa ávžžuha olbmuid leat siivu giellapolitiijat. FeFo ja kárášjohka eanareiktekomiššuvnnas, dás ságastit Thoralf Henriksen, Øyvind Ravna ja Robert Greiner. Studios Karen Eira, Jouni Aikio ja Thoralf Balto.

  • Sámivašši badjána neahtas maiddái johtalusa boazobárttiid oktavuođas, polis ii dákkára dohkket muitala Kristina Lantto. Návdeloguin digaštallet, das jearahallo Lars Miguel Utsi. Suoma duohtavuohta- ja soabadandoaimma evttohusa ja komiššuvnna ásaheami geahčada Norgga komiššuvnna lahttu Liv Inger Somby. Dálkkádaáššit COP25-čoahkkimiin Madridis, reporter Anders Boine Verstad. Sámegielaid beassa oahppat Sámi oahpahusguovddážis maiddái boahtte lohkanjagis, muitala rektor Eeva-Liisa Rasmus-Moilanen. Studios Karen Eira, Jouni Aikio ja Thoralf Balto

  • Buorre iđit Sápmi.

  • Buorre iđit Sápmi.

  • Sáddagis gullat ságaid earret eará Norgga Sámediggi dievasčoahkkimis.

    Gullat maiddai go Madrida dálkkádatčoahkkimii ii vuolgge oktage ovddasteaddji ruoŧabeal Sámis.

    Dan lassin Buorre iđit Sápmi -sáddagis lea Marja Guttorm studioguossin ja son muitala lihkadeami dehálašvuođas ja das mot lihkadeami gánneha álggahit.

    Sámi allaskuvllas álgá jagis 2021 sámi buohccedivššároahppu ja gullatge prošeaktajođiheaddji ávžžuhusaid sutnje gii meine álgit dán oahppui.

    Dan lassin gullat go Fovsen Njarke orohat lea guoddalan mearrádusa mii addá Stanettii lobi hukset gávccilot bieggafápmorusttega, orohaga guovlluide. Ikte álggii diggi Frostating lagamánnerievttis, Troandimis.

    Sáddaga lágidit Jaana Kynkäänniemi, Anne-Rávna Allas ja Inger-Elle Suoninen

  • Nummirloguid mielde albmát lea eanetlogus boazodoalus, kommenattain gullat Inger Helene Gråik ja Mikael Kuhmunen. Fosen orohat Troanddimis dikkis stáhta vuostá, Maja Krihke Jåma muitala. Sáhka das aingo beaskanáhkiide lea dárbu, duojár ja oahpaheaddji Maire Saijets. Eamiálbmogat dálkkádatčoahkkimis Madridas, Tuomas Aslak Juuso čoahkkimii ráhkkanemiin. Studios Jaana Kynkäänniemi, Ánne Rávná Allas ja Jouni Aikio.

  • Buorre iđit Sápmi.

  • Buorre iđit Sápmi -sáddagis lea sáhka das go sosiála medias lea almmuhuvvon filmmaš mas guorbmebiilaalmmái vuodjá alla leavttuin čorraga maŋis biilageainnus. Boazoeaiggát Nils-Erik Poidnakk lea mielde sáddagis.

    Ålesunddas Čieža jahkásaš Sarah Marie Nedregotten Gaupas lea skuvllas guokte diimmu sámegiela gáiddusoahpahus vahkkui.
    Ålesundda gielda oaivvilda gáiddusoahpahusa leat doarvái ja nu eai mávsse oahppiid giella mátkkiid. Riikarevišuvdna celkkiige ikte ahte sámegiel-oahpahus norgga skuvllain ii leat dohkálaš.
    Dát lea oahpes váttisvuohta váhnemii Anna Lena Gaupii gii iežas ruđain máksá máná sámegiel oahpahussii.

    Lena Farvelund Haddal lea ovdal bargan ovdánahttinjođiheaddjin sámi oahpahusas Oslos. Sus leamaš dat ovddasvástádus, ahte mánát ja nuorat skuvllain ožžot sámegiel oahpahusa. Son galggai áittardit ahte sámi mánát ožžot dan sámegiel oahpahusa masa lea riekti. Son dovdá váttis leat ovddidit sámegiela skuvllain

    Ruoŧabeale Sámedikkis lei gaskavahkku seminára oaiveskálžžuid máhcaheami birra. Dán fáttas muitala Lars-Ante Baer.

    Oahpes girjebusse heaitá vuodjimis Ohcejoga gielddas muhto doaivva lea ahte veahkki gávdno Deanu ja Unjárgga guovllus.

    Sáddaga lágidit: Karen Eira, Thoralf Balto ja Inger-Elle Suoninen

  • Ruoŧa Sámedikkis Britt Sparrok luohpada luohttámušbáikkis Matti Bergii. Dievasčoahkkima áššemeannudaemis ja bargovugiin Josefine Skerk ja Ingrid Inga. Venezia biennále joavddai Helssegii, Suvi West duodji álggaha filbmaráiddu The Killing of Čáhcerávga. Sámediggeráđđi Silje Karine Muotka jođus dálkkádatčoahkkimii Madridii. Joatkit ievttá dásseárvoáššiin, Christina Åhren jurdagiiguin. Riikarevišuvnnas cuigogdit sámegiel oahpahusa Norggas, Mikkel Eskil Mikkelsen kommeanta. Ii nuortalašgiella iige anárašgiella gullogoađe boahtte giđa Mumenleahki tv-ráiddus, vánhemat Terhi Harju ja Niina Siltala leaba behtton. Studios Karen Eira, Jouni Aikio ja Thoralf Balto.

  • Boazologuid eai geahpet Suomas muhto addet molssaeavttuid mo várjalit guohtoneatnamiid. Asko Länsman ášši válbmen bargojoavkkus ja boazoisit Tuomas Semenoff Váhčira bálgosis. Suokkardallan dásseárvvus čearuin ja boazodoallu álgoálbmoga kulturguoddin, dáin áššiin gullat Sanna Vannar ja Laila Susanne Vars oaiviliid. Riikkarevišuvdna Norgga almmuha sámegielat raportta, Mikkel Eskil Mikkelsen kommeanta. Hoteallat lassánit, mo luondu ja biras gierdá? Fitnodatadoalli Kaisu Nikula Anáris ja mátkálaččat Reiko ja Laura das mo leaba liikon galledit Anáris. Ođđa fylkkajuoigin Tromsii leaba válljejuvvon Niko Valkeapää ja Ingá Máret Gaup Juuso. Studios Karen Eira, Jouni Aikio ja Thoralf Balto.

Kuuntele myös

    Muualla Yle.fi:ssä