Buorre idit Sápmi

Buorre idit Sapmi

  • 60 min
  • vain suorana

Lähetykset

  • ma 18.11.2019 9.00 • Yle Sámi Radio

Jaksot

  • Buorre iđit Sápmi -sáddagis lea sáhka earret eará das go Suomas leat leamašan sámeáššiid ráđđádallanbeaivvit, Ruoššas fas álgoálbmot olmmošvuoigatvuođa searvi galgá heaittihit iežas doaimma. Sámeskuvllas 95 proseantta oahpaheddjiin leat nissonolbmot. Vilhelmina davvi čearus lea lohpi báhčit guhtta albasa.

    Sáddaga lágidit Karen Eira, Thoralf Balto ja Inger-Elle Suoninen

  • Sámedikki stivralahtuin sierra oainnut das galgetgo kommenteret Vapsten diggeášši. Ságat Jikŋon II -animašuvdmafilmma vuosttaseahkedis Los Angelesis, gullat Per Olof Nutti ja Aili Keskitalo, sihke nieddažiid Elle Marge Nutti ja Ingá Risten Nystø Keskitalo vásáhusa ja árvvoštallama filmmas.Maarit Magga (govva: Nilla-Máhtte Magga) muitala duodje- ja govvačájáhusas man lea čohkken Nilla-Máhtte -fulkkiin. Čájáhus rahpasa eahkedis Eanodagas. Sáhka lea maiddái návddiin Norrbottenis ja Norgga Sámedikki bušeahttaárvalusas. Studios Marianne Boine, Kjell Marainen ja Jouni Aikio.

  • Diggeášši: Vapsten čearru buvttii ovdan oainnus, Per Magnusson ja Eivind Torp. Jikŋon 2 čájehuvvo eahkedis Los Angelesis, Ella Marge Nutti ja Aili Keskitalo vuordiba oaidnit maid "násttiid". Máret Inger Anti bovdejuvvon Lulli-Sámi filbmafestiválii, Sámi allaskuvla maid rámis filbmaovdánumis, muitala Liv Inger Somby. Njuorggámiige huksejuvvo ođđa skuvla, dat lea Ohcejoga gielddas juo goalmmát skuvlahuksenbargu, muitala Markku Porsanger. Loabat ávvuda go leamaš logi jagi sámesuohkanin. Lars Joar Halonen ja Hege Rollmoen. Studios Marianne Boine, Kjell Marainen ja Jouni Aikio.

  • Dikkis vuostálagaid Vapsten čearru ja Vapsten Lappby -searvi, olbmot geat eai leat čearu miellahtut. Sámedikki stivrra várreságadoalli Lars Miguel Utsi čuovvu gearregiid. Vapsten-áššis gullojit vel Eivind Torp ja Jan Södergren. Nuortasápmelaš Tuomas Kiprianoff áŋgiruššá guollečáziid buorideami ovdii, báikkálaš čáhcefápmolágádussii unnán šat dárbu. Jikŋon II filmmas oktan jietnan lea neavttár Mikkel Gaup, dasa lei gul álki searvat. Valástallanlihtu SVLN jođiheaddji Ole Einar Hætta deaivvada Sámedikkiin. Giellabargi Mikkel Rasmus Logje muitala mo son oahpai suomagiela mánáidfilmmain. Studios Marianne Boine, Kjell Marainen ja Jouni Aikio.

  • Sáravuopmi ja Norgga stáhtta dikkis Romssas, duogáža čilge jurista Ánde Somby. Nu daddjon Vapsten diggeášši ges Likšus, das gulat Eivind Torp, Björn Jonsson, Lisa Omma ja Torkel Stångberg oainnuid. Sámediggi deaivvada Norgga boanddaidservviin, dás muitala Silje Karine Muotka. Vuorkádávviriid máhcaheapmi Sápmái orru lassáneamen, Sámemusea Siidda amanuensa Anni Guttorm (govven: Sara Wesslin) studioguossin. Spábbačiekčanságain gullat Svein Ole Sandvik ja Marja Sofie Holmestrand Hætta. Studios Marianne Boine, Kjell Marainen ja Jouni Aikio.

  • Liehppá goarrun kurssas Upmis muitala Sara Hermansson. Save Sápmi lea nuoraidromána mas beassat čuovvut Save árgabeaivvi, girjji lea čállán Elin Marakatt. Sámenuoraid astoáiggedoaimmat ja vuordámušat, Sámedikki nuoraidráđđi ságajođiheaddji Risten Mustonen muitala sin čielggadeamis. Nuorat Britt-Ingá Näkkäläjärvi ja Sáránne Näkkäläjärvi sávvaba sámegielat doaimmaid, eandalii spáppaspealuid ja eará lihkademi. Su soahti ii noga goassige, losses soahteáiggi muittuin Eli Richardsen. Olmmošrivttiid ollašuvvama máilmmis vihkkehallá jurista Ánde Somby. Studios Marianne Boine, Jouni Aikio ja Kjell Marainen.

  • Buorre iđit Sápmi -sáddagis lea sáhka Sámi musihka barjobájis mii ordnejuvvo Bådåddjos, Roavvenjárggas Arctic leader summit lágida vuosttaš geardde álgoálbmotnuoraid konferánssa, filbmadahkki Aslak Paltto muitala su dokumeanttas Badjealbmá čalmmiiguin. Sáhka lea maiddái logat Skábmavuoddján Kárášjogas.

    Sáddaga lágidit Marianne Boine, Karen Eira ja Inger-Elle Suoninen.

  • Duorastaga Buorre iđit Sápmi -sáddagis gullat ságaid earret eará das go Sámi allaskuvla deavdá 30-jagi, Sáhka lea maiddai julevsámegávttis ja sámebearraša árggas. Dan lassin Sverre Porsanger muitala manin leat hállemas doalut.
    Hans Isak Olsen lea Guovdageainnu suohkana ođđa sátnejođiheaddji ja gullat maiddái su dán sáddagis.

    Sáddaga lágidit Thoralf Balto, Karen Eira ja Inger-Elle Suoninen

  • Buorre iđit Sápmi.

  • Disdaga Buorre iđit Sápmi -sáddagis lea sáhka earret eará das go buohkaide rabas sámegielaid oahppodiimmut álge. Sámegielaid gáiddusoahpahus -fidnu Sámediggi ja Sámi oahpahusguovddáš lágidit buohkaide rabas sámegiela diimmu sihke davvisáme-, nuortalaš- ja anárašgillii. Oahppodiimmut leat dárkkuhuvvon vuođđoskuvlla ja nuppi dási oahppiide, muhto daidda sáhttet oassálastit buohkat.
    Sámegielaid gáiddusoahpahus -fidnu prošeaktahoavda Eila Tapiola muitala eanet áššis.
    Sáhka lea maiddái das gii oačču dán jagáš davviriikalašráđi girjjálašvuođabálkkašumis.

    Sáddaga lágidit: Thoralf Balto, Karen Eira ja Inger-Elle Suoninen

  • Buorre iđit Sápmi.

  • Giellavahkku orru lihkostuvvan, árvala Aili Keskitalo. Gonagasa galledeami oktavuođas giellabálkkašumi fidnii Ánne Márjá Guttorm Graven. Rávvagiid dasa mo gávpogis geavahit sámegiela addá Elle Nystad, oslovelaš Kristine Ballari gávpoga ođđa namas. Sámi valástalliid čalmmustahttimis Sunna Kuoljok Lind ja Nils Gustav Labba. Sápmi oidno bures álgoálbmotjagi girjemárkaniin Helssegis, mielde Helga West ja Inger-Mari Aikio ja Pirita Näkkäläjärvi (govas). Felgen Orkester almmuha skearru, illuda Nils Mikael Hansen. Studios Thoralf Balto, Ánne Rávná Allas ja Jouni Aikio.

Kuuntele myös

    Muualla Yle.fi:ssä