Ealli arkiiva

Duorastat dmu 10.00

  • 29 min
  • 23 pv

Ealli arkiiva.

Lähetykset

  • to 13.2.2020 10.00 • Yle Sámi Radio

Jaksot

  • Ealli arkiiva.

  • Vuorkásagat Johkamohki márkaniin. Vuos jietnabihtáš jagis 1975, Deatnogátte Nuorat márkaniin. Dasto Ruoŧa Sámiradio programma 5.2.1987, doaimmaheaddjin leaba Nils Henrik Sikku ja Harry Johansen, mielde ee. Sámi álbmotallaskuvlla duodjeoahpaheaddji Per Olav Utsi ja 10-jahkásaš Elle-Máret Gárasavvonis, son lea vuovdimin čiŋaid. Loahpas Kalle Mannela raporta Johkamohki márkaniin 5.2.2010, Jouni Aikio jearahallá.

  • Vuosttasin jienat guolásteaddjiid čoahkkimis Ohcejotnjálmmis, fáddan lea lassánan astoáigge luossabivdu Deanus ja maid dat dagaha, Uhca-Hánsa, Hans H. Laiti ja Ásllat-Ovllá Lukkari sáhkavuoruin bihtát. Dasa laktasa jearahallan mas gullat Páve-Niillasa Sirpmás, Nils Pavelsen Varsi oaiviliid bivodhálddašeamis.
    Nubbin Ásllat-Niillas, Niiles Laiti ovttas bártniinnis lea ceggemin fanasduddjonhálla Nuvvosis.
    Loahpas Áillohaš, Nils Aslak Valkeapää muitala das mo sápmelaččat čoahkkanit Johkamohkis ráhkkanit álgoálbmogiid máilmmičoahkkimii Kanadai.
    Doaimmaheaddjit: Juhani Nousuniemi ja Sulo Lemet Aikio

  • Sámi ságat prográmma jagis 1971. Álgu suomagillii, loahppa sámegillii. Ságastallan ja aviisaid čállosat kulturvahkus ja sámeservviid čoahkkimis ja sámekulturvahkus mii lei Roavvenjárggas guovvamánus 1971. Dan oktavuođas čoahkkanedje báikkálaš sámesearvvit ja sápmelaččat ságastallat sámiid guovddášsearvvi dárbbus. Suomagielat ságastallan gullon vuos Lapin alueradio Pohjoisen parlamentti -prográmmas 27.2.1971. Mielde: dálolaš Jouni Vest Ohcejoga gieldda bealis (Biennaš-Jon Jovnna), oahpaheaddji Nils Henrik Valkeapää, oahpaheaddji Iisko Sara, leanačálli Oula Näkkäläjärvi, magister Samuli Aikio. Nubbin áššin lea dat go Ruoŧa Sámis 42 siidda dahje čearu leat jagis 1970 stevdnen Ruoŧa stáhta eanavuoigatvuođaid dihte. Ruoŧa sámiid riikkasearvvi várreságadoalli Per Idivuoma jearahallan, son lei sámeservviid guossin Roavvenjárggas. Doaimmaheaddji: Sulo Lemet Aikio

  • Sámi ságat 13.11.1973 doalai sisttis jienaid sámekulturvahkus Helssegis dan skábmamánus. Dás leat jearahallojuvvon duojár Karen Jomppanen, dáiddár ja boazobargi Nikolaus Skum, Sámi čuvgehussearvvi ovddasteaddjit Johannes Helander ja Samuli Aikio, girječálli Kirste Paltto, juoigit Ellen Ánne Buljo, Anders Gaino ja Susanne Hætta Sara. Kulturvahku oktavuođas leat maid báddejuvvon dán golmma juoigi luođit. Doaimmaheaddji: Sulo Lemet Aikio

  • Sámi radio davviriikalaš sáddágis guovvamánus 1983 álggus lei ođasoassi man leaba doaimmahan Nils Gustav Labba ja Per Nils Idivuoma, das lea sáhka ee. Sámi rivttiin, Giron sámeskuvllas ja kulturdoarjagiin. Loahpas lea sáhka luosa áhpe-, vuotna- ja johkabivddus ja luosa geahppáneamis. Jienat ámmátguolásteaddjiid čoahkkimis Ohcejogas, jearahallojuvvon Liv Østmo ja Steinar Pedersen. Doaimmaheaddjin Oula Näkkäläjärvi ja Sulo Lemet Aikio.

  • Dalle go mii albmalahkai málestat de dasa gullet bohcco varramárffit, ađđamat, gaccat ja oaivvit. Gaccaid ja oivviid vouššan dáidá leat geahppánan. Dán prográmmas Ville-Biret, Briitta Aikio málesta ja rávve márfumis ja ađđamiid vuoššamis. Báddenjahki lea 1989. Govva: Jouni Aikio. Doaimmaheaddji: Niilo Aikio.

  • Nellim-Máhtte, Matti Mooses Saijets lei riegádan 4.9.1908. Son jámii juovlabeaivve 25.12.1995.
    Elle Sarre jearahalai su moddii 1980-logu álggus. Dát leat gullon Sámi radios 29.7.1982 ja 14.4.1983 Min Sápmi sáddagiin. Sáhka lea Nellim-Máhte sogas, soga ássanbáikkiin, bearraša áigáiboađus nu mo gávpedoiimmas ja eanadoalus. Oanehaččat maiddái Máhte luohttámušdoaimmain. Dasto Matti Saijets muitala ovddešáiggi boazodoalus. Sáhka lea ee. áldduid bahčimis. Loahpas Máhtte muittaša vuosttas reaissuid boazomeahccái. Ella ja Matti ságastallaba anárašgillii.

  • Gullat makkár sámegielat beaivedikšu gávdnui Suomas ja Deanuleagis jagis 1983. Helsset sámesearvi Mii lea evttohan doaimmaid ráđđehussii čielggadit sámegielat beaivegeahču dili ja vejolašvuođaid. Jienat Helssegis: Kerttu Vuolab Mii-searvvis ja sosiála- ja dearvvasvuođaminister Vappu Taipale. Jearahallamat: Ohcejoga rabas johtti mánáidgárddi jođiheaddji Helena Guttorm, Kárášjoga mánáidgárdedárbbuin vánhen Klemet Nils Hansen ja Deatnogátti mánáidgárddi jođiheaddji Anna-Liisa Guttorm. Doaimmaheaddjit studios Jouni Aikio, Juhani Nousuniemi ja doaimmahushárjehalli Niko Valkeapää. Deatnogáttis Sulo Lemet Aikio ja Kárášjogas Haldis Guttorm. Sáddejuvvon Sámi radios golggotmánus 1983.

  • Nissonolbmuid semináras Kárášjogas gullat seminára lágideaddji Liv Østmo, Sámi dávvervuorkká hoavdda Marit Teigmo Eira, seminára oasseaváldiid Margaretha Stenberg, Lemet-Ánne (Anne Hætta) Guovdageainnus, logaldalli Laila Somby Sandvik ja Egil Utsi. Mo lea dilli čearuin iešguđet guovlluin, das muitalit Rávdul-Elle Kárášjogas, Ann Maria Spiik Johkamohkis ja Vilgon-Ingá (Inga Juuso) Suoma Gárasavvonis. Mo lea dilli Leavaš čearus, das muitaleaba leaskaeamit Ida Niia ja ságadoalli Erik Poidnak. Ruoŧa Sámiid Riikkasearvvi (RSR) Nikolaus Stenberg kommeanta ja Anne Nutti Lavnnjitvuomi čearus. Doaimmaheaddjin nissonolbmuid semináras Kárášjogas lea Ingá Juuso Eira ja dásseárvvus čearuin doaimmaheaddjin lea Majlis Skaltje. Báddenjahki lea 1978.

  • Paul Anders Simma prográmma soađi áiggi muittuin ja soalddatbálvalusa geatnegasvuođas. Buohkaid jurddamáilbmái soalddatbálvalus ii heive. Mielde dán ságastallamis: Antti Oula Kalttopää Berajávrris, son leamaš Suoma soahteveagas nuppi máilmmisoađis earret earáid Salla guovllus. Anders Labba Vázašvuovddi soahtehárjehusain. Olle Utsi, guhte ohcalii eret soalddatbálvalusas dainna go lea sápmelaš iige hálit soahtat nuppiid sámiid vuostá. Lars Anders Bær, guhte lea láhkastudeanta Uppsala universitehtas. Yle Sámi báddevuorkkás Anáris, sáddenjahki sullii 1980.

  • Suoidnemánus 1983 Sámiráđi giellalávdegoddi ságastalai báikenamain ja nammagáibádusain. Mielde Kåre Urheim julevsámegillii, Lars H:son Simma ja Samuli Aikio davvisámegillii. Doaimmaheaddjin Heahtás lea Jouni Ilmari Jomppanen.
    Golggotmánus 1983 Miehtá Sámi prográmma muitalii go Norggas lea báikenammakomitea válbmemin lága báikenammanjuolggadusain. Dán ságastallamis leat mielde Kathrine Johnsen, Thor Frette, Gudmund Sandvik, Leif Rantala ja Alf Isak Keskitalo. Doaimmaheaddjin leaba Oula Näkkäläjärvi ja Johs Kalvemo.

Klipit

  • Kommemaainâs Postâ-Maartist.

Kuuntele myös

    Muualla Yle.fi:ssä