Buorre idit Sápmi

Buorre idit Sapmi

  • 60 min
  • vain suorana

Lähetykset

  • pe 21.2.2020 9.00 • Yle Sámi Radio

Jaksot

  • Buorre iđit Sápmi.

  • Ruoŧas válbmašat boazodoallošiehtadallamiidda, das muitalit báikegoddeminiser Jannie Nilsson ja Sámedikki stivralahttu Jan Rannerud. Abiturienttan álggii dál lohkan dán giđa studeantaiskosiidda, mihttomeriin ja lohkanplánas muitaleaba Lassi-Olavi Mäkinen ja Jenna Muotkajärvi. Julevus lei melodifestivalne oassegilvu, muhto Amanda Aasa ii beassan finálii. Sáhka lea maiddái dorvvolašvuođas ja vuosttasveakkegearggusvuođas boazobargguin. Studios Luobbal-Jovsset Jovnna ja Olen-Risten Hánssa Jaana

  • Buorre iđit Sápmi -sáddagis gieđahallat ustitvuođa- dahje váimmuid beaivvi. Diktačálli Inger-Mari Aikio muitala ávvudago son Valentine beaivvi. Seamma fáttas mielde sáddagis lea 71 jahkásaš Björn Forseth guhte lea okto ja lea dan leamašan olles eallima.

    Jiellevári gielda lea čielgasit čájehan ahte sii eai dohkket uhkádusaid ja rasismma sámiid vuostá mii lea boahtán maŋŋel Girjjás duomu.
    Sáddagis gullat Girona sámesearvvi ságadoalli Irene Kuhmunen guhte ii leat duhtavaš Girona gielddain ja vuordáš ahte gieldda politihkkarat čájehit ahte eai dohkket dili mii lea boahtán maŋŋel Girjjás-duomu.

    Dan lassin Anja Kaarret lea fitnan Anára skuvllas gos lea dán vahkku leamašan telefongeahttes vahku. Sáddagis gullat oahpaheaddji, ohppiid ja vánhema oainnuid dán telefongeahttes vahku birra.

    Sáddaga lágideaba Lars-Ola Marakatt ja Marianne Boine

  • Duorastaga Buorre iđit Sápmi -sáddagis lea sáhka das girječálli mielas lea vel olu mii ii leat muitaluvvon baggojohtima birra. ´

    Dan lassin lea sáhka das go Girkonjárggas ordnejedje disdaga panelaságastallama Jiekŋameara ruovdegeainnu birra. Sáddagis gullat Norgga Sámedikki presideanta Aili Keskitalo ja Bárttehis eret leahki boazodoalli Jussa Seurujärvi.

    Dan lassin sáddagis lea Kari Torikka mielde muitaleame go sus lea astoáiggedoaibma: son láve guovdelávddastallat nappo sus lea čeasan muhto maiddai guovdi mainna oažžu fártta.

    Sáddaga lágideaba Karen Eira ja Marianne Boine.

  • Buorre iđit Sápmi.

  • Buorre iđit Sápmi -sáddagis gieđahallat veahá dan makkár mearkkašupmi Taika Waititi Oscar vuoittus lea álgoálbmogiidda. Internationála sámi filbmainstituhtta ISFI jođiheaddji Anne Lajla Utsi muitala veahá mot son oaidná makkár mearkkašupmi das lea.

    Dan lassin sáhka lea muohtadilis. Davvin lea olu muohttá, muhto Lullin lea áibbas geassi. Sáddagis Ohcejoga gieldda huksendárkkisteaddji Markku Porsanger muitala earret eará das galgágo ja goas galgá viesuid alde čorget eret muohttagiid.

    Sáddaga láidesteaba Lars-Ola Marakatt ja Marianne Boine.

  • Buorre iđit Sápmi.

  • Gullat jienaid Sámi álbmotbeaiávvudemiiin Bådåddjås, Anáris, Eanodagas, Osloves, Ohcejogas ja Johkamohkis. Dás gullojit nu ávvudeaddji sámit go maiddái minister ja gonagas: Aili Keskitalo, Britt-Ingá Näkkäläjärvi, Ánne-Márjá Magga, Mari Boine, Aina Madelén Nordsletta Aslaksen, Aleks Ándaras Aikio, Anni Ahlakorpi, Carl Gustav, Jennie Nilsson, Ingemar Israelsson ja Karin Vasara guhte oaččui Åsa Kitok -bálkkašumi. Studios John Einar Eira nuorat ja Jouni Aikio.

  • Sámi álbmotbeaivvi radiosátta, studios leaba Olen-Risten Hánssa Jaana ja Luobbal-Jovsset Jovnna.
    Gullat Sámedikki ságadoalli Tiina Sanila-Aikio dearvvahusa, mo nuorra Lea Michelle čiŋada doaluide, stáhtaminister Erna Solberg dearvvahusa. Jienat Oslo mánáidgárddis gos álget ávvudeamit, sámedoaimahusaid tv-ja neahttafálaldadas muitalit Heidi Sara, Ivan Buljo ja Maiju Saijets. Musihkkáriid Ingá-Máret Gaup-Juuso ja Áilu Valle jurdagat álbmotbeaivve mearkkašumis. Sáhka maid das go unnitlogu gielain ii leat sierra ávnnasoahppu skuvllain. Govva: Vesa Toppari

  • Máren Inga Baer galggai Shanghaias Kiinnás bargat golbma mánu. Muhto go leai dušše moadde vahku leamaš de leavvagođii corona-virus ja son šattái ruoktut Ruŧŧii girdit. Suoma Sámi nuorat -searvvi ođđa ságajođiheaddji Enni Similä jearahallan ja ollu eará ságat dán gaskavahkkui. Studios Per Inge Anti Åsen ja Jouni Aikio.

  • Dálvi leamaš erenoamaš, lieggasut go gaskamearálaččat. Skandinavia gaska- ja máttaosiin lei guhká bievlaeana. Guhká galggai Tuomo Laiti vuordit muohttaga, son ássá Joensuu gávpogis Nuorta-Suomas. Odne máilmmi borasdávdabeaivvi ságastallat das mo bajidit positiiva jurdagiid vaikko buohcuvuohta deattašege, sáddagis meilde divššár Elle Sara Pulk. Sáhka lea maiddái sierra riikkaid melodia-gilvvuin. Studios Jaana Kynkäänniemi, Karen Eira ja Jouni Aikio

  • Ođasáššit Sámis gieđahallet sámegielat ovdaskuvlla vázzima Stockholmmas, vahkuloahpa dieđuid corona-viirusa njoammumis, mobiilaspealu sámiid dovddusindahkamis ja ođđa studeantaásodaga gárvvásmuvvama Ohcejogas. Gullat maid geat servet Norgga melodi gp-gilvui, mielde sáddagis lea Elin Kåven. Suomas fas The Voice of Finland -musihkkalávdái lea ovdánan Saana Guttorm. Son lea ráhkkaneamen almmuhit vuosttas diktagirjjis, muitala roavvenjárgalaš Elsa Laiti-Hedemäki.Studios leaba dán vuoro Karen Eira ja Jouni Aikio.

Kuuntele myös

    Muualla Yle.fi:ssä