45 miilla mátki viežžat dálkasa, Davvi-Norgga boanddaid dilli lea divron, Anárašgiela oahppit eai beasa giellameaštáriid lusa
Deartna sámeskuvla šattai elrávnnji haga. Rehket ii lean mákson.Sáddagis gullat Anna Karin Länta, skuvlahoavda Sámeskuvllastivrras.
Linn Margrete Påve ođđajahki ruohta ii šaddan nu go son lei sávván, go unna mánná buohccái ja dárbbašii doavttirdivššu ja dálkasiid.
Son vuoddjái álggus Vualtjerii doaktára lusa, muhto doppe ii lean apotehka rábas. De son šattai vuoddját gitta Liksjuoeii, dálkasiid oaččut. Oktiibuot dat mátki šattai 45 miilla Västerbottena siseatnamis, akto mánáin
Davvi-Norgga boanddaid dilli lea divron sakka ja lea divrasut go eará sajiin Norggas. Hattit molsašuvvet olu ja lea eahpesihkkaris dilli. Ovdamearkan go Norgga gássa lea divron ja dat sáddejuvvo Eurohpái gos buvttaduvvojit goanstagilvagat mat leat maid divron. Mátta fabrihkaid jáffuid mat geavahuvvojit mielkebuvttadeapmái leat maid divron. Deatnulaš boanda Markus Heiberg muitala ahte go máŋga ášši, dego gássa, elrávdnji, goanstagilvagat, divrot oktanaga, de ii leat šat leaika.
Heiberg vuorddášii ahte Sámediggi dál dorjjošii boanddaid Davvi Norggas.
Sámediggeráđđi Hans Ole Eira lohká, ahte sámediggi sáhttá doarjut boanddaid ráđđádallamiin Norgga ráđđehusain ja doarjjaortnegiin mii juo lea.
Anárašgiela oahpaheamis leat juo logemat jagi geavahan giellameaštáriid veahkki giela oahpaheamis. Das oahppit mannet eatnigielat olbmo lusa humadit. Daid beivviid vurdet sihke oahppit ja giellameašttárat.
Sámi oahpahusguovddáža anárašgiela oahpaheaddji Iiris Mäenpää (govas) muitala, ahte dán mánus galggai leahkit dákkár giellameašttirvahkku, muhto dat ii ordnejuvvo koronavirusdili dihte. Dál lea juo goalmmát giđđa go dákkár deaivvademiid eai bastte ordnet. Doaimmaheaddjin lea Anja Kaarret.
Bárttetlaš Eeva Seurujärvi láve leahkit Sámi oahpahusguovddáža anárašgielaohppiid giellameašttir. Eeva vuordá juo ahte beasalii humadit ohppiiguin. Dán mánus dat ii ollašuva korona dihte, muhto kánske maŋŋelis. Eeva muitala maid son láve oahppiiguin bargat. Doaimmaheaddjin Anja Kaarret.
Vuollil mánu geahčen galggašii Romssas lágiduvvot Norggameašttirgilvvut heargevuodjimis ja njoarosteamis, muhto bisseha go son koronaráddjehusat dáid doaluid fas. Midnight Sun Marathon, MSM vuođđudus Romssas dat lágida doaluid ovttas sámi valáštallanlihttun.
Ná lohká MSM beaivválaš jođiheaddji Nils I. Hætta.
Sáddaga láidestit Inger-Elle Suoninen, Karen Eira ja Marianne Boine.
Govva: Sáárákáisá Seurujärvi / Yle
Riŋges studioi tlf 016 6757524 dahje sáddes Whatsapp-dieđu nummirii 040 1909114.
Buorre iđit Sápmi.
Siirry sarjan sivulle arrow_forward_iosJAA:
